Եվրախորհրդի նախարարական նիստի շրջանակներում Իլիա Դարչիաշվիլին հանդիպել է Մալթայի արտաքին գործերի, Եվրոպայի և առևտրի նախարարին.
Եվրոպայի խորհրդի նախարարական նիստի շրջանակում Վրաստանի արտաքին գործերի նախարար Իլիա Դարչիաշվիլին Թուրինում հանդիպել է Մալթայի արտաքին գործերի, Եվրոպայի և առևտրի նախարար Յան Բորգի հետ։
Հանդիպմանը նախարարները նշել են երկու երկրի միջև բացառիկ բարեկամական հարաբերությունները, ինչն արտահայտվում է ինչպես երկկողմ, այնպես էլ բազմակողմ ձևաչափերով տարբեր հարցերի շուրջ կառուցողական համագործակցությամբ։
Հանդիպմանը կարևորվել է Մալթայի աջակցությունը Վրաստանի եվրոպական նկրտումներին եւ ապագային։ Այս համատեքստում Մալթան նշել է Վրաստանի հաջող արդյունքները եվրաինտեգրման ճանապարհին և հույս հայտնել, որ ԵՄ-ն և գործընկեր երկրները կաջակցեն ինչպես Վրաստանի առաջընթացին, այնպես էլ նրա հետագա ինտեգրացիոն ձգտումներին։
Այս առումով հատկապես ընդգծվել է բնակչության աճող աջակցությունը երկրի արտաքին քաղաքական նկրտումներին։ Նախարարները քննարկել են նաև եվրաինտեգրման գործընթացում Մալթայի փորձի փոխանակման հնարավորությունը։ Վերանայվել են տարածաշրջանի անվտանգության միջավայրը և մարտահրավերները։ Հատկապես ընդգծվել է Մալթայի անսասան աջակցությունը Վրաստանի ինքնիշխանությանն ու տարածքային ամբողջականությանը։ Վրաստանի տարածքների օկուպացիայի համատեքստում միջազգային հանրության համախմբման և փոխադարձ աջակցության կարևորությունը ընդգծվել է տարբեր միջազգային ֆորումներում, որտեղ մշտապես աչքի է ընկել Մալթայի դիրքորոշումը։ Այս համատեքստում նախարարները դրական են գնահատել երկու երկրների համագործակցությունը Եվրոպայի խորհրդի շրջանակներում և ընդգծել Ռուսաստան-Վրաստան հակամարտության վերաբերյալ կազմակերպության շրջանակներում ընդունված որոշումներն ու բանաձևերը։
Խոսելով երկկողմ հարաբերությունների մասին՝ քննարկվել են համագործակցության զարգացման պոտենցիալ ոլորտները, ուշադրության կենտրոնում են եղել փորձի փոխանակմումը և ծովային ոլորտում համագործակցությունը։ Իլիա Դարչիաշվիլին շնորհակալություն է հայտնել մալթական կողմին Մալթայի դիվանագիտական ակադեմիայի հետ Վրաստանի երկարամյա արդյունավետ համագործակցության համար։ Նախարարները պայմանավորվել են ակտիվացնել բարձր մակարդակի շփումները, այդ թվում՝ այցերի առումով։
Տեղեկությունը տարածում է Վրաստանի արտաքին գործերի նախարարությունը։