Եվրախորհրդարանի պատգամավոր Նաչո Սանչես Ամորը կոչ է անում կառավարությանը ստեղծել համապատասխան պայմաններ, որպեսզի ընդդիմությունը ներգրավվի 12 կետից բաղկացած հանձնարարականների կատարման գործընթացին։ Ըստ եվրախորհրդարանի կարծիքի սա երկրի առանցքային խնդիրն է

«Ապաբևեռացման առաջին քայլը բևեռացումը թեթևացնելն է։ Վրաստանին Մոլդովայից և Ուկրաինայից տարբեր կարգավիճակ տալու որոշումը քաղաքական սխալ է։ Ակնհայտ է, որ սա ավելի շատ բևեռացում է առաջացնում: Նախ, պետք է խուսափել որոշումներից, որոնք կարող են բևեռացման պատճառ դառնալ, քանի որ մեկ հարց է, թե ինչ կմտածենք այստեղ, բայց խնդիրն այն է, թե ինչպես կընդունեն այս ամենը Վրաստանում։

Ապաբևեռացման երկրորդ քայլը որոշակի պայմանների ստեղծումն է։ Մենք հաստատակամորեն ասում ենք, որ դրա համար պետք է համախմբվել։ Իշխանությունն ու ընդդիմությունը պետք է համախմբվեն բոլոր 12 կետերը կատարելու համար, քանի որ հիմա այն պահն է, երբ էական չէ, թե ինչ է եղել նախկինում։ Հետևաբար, այստեղ այլ սցենար չկա։

Կառավարությունը պետք է բանակցի: Ակնհայտ է, որ սա օրինական ընտրությունների արդյունքում նշանակված իշխանություն է, որը ճանաչված է միջազգային հանրության կողմից, ուստի իշխանությունը պետք է ընդդիմությանը հրավիրի երկխոսության, իսկ ընդդիմությունը պետք է միանա դրան, որպեսզի այս երկխոսության մեջ պարզեն յուրաքանչյուրի հնարավորությունները: Այն, ինչ ես չեմ տեսնում, տեխնիկական կառավարություն ստեղծելու տարօրինակ գաղափարն է։ Ինչու՞ պետք է ստեղծվի տեխնիկական կառավարություն. Ընտրություններին աջակցել է միջազգային հանրությունը։ Իշխանության մեջ կա լեգիտիմ կառավարություն, որը պարտավոր է բանակցել երկրի անունից: Ես իշխանություններին կոչ եմ անում ստեղծել համապատասխան պայմաններ, որպեսզի ընդդիմությունը կարողանա միանալ իրենց և կատարել 12 կետերը։ Սա առանցքային խնդիր է երկրի համար։ Այլևս ժամանակ մի կորցրեք»,- ասում է Նաչո Սանչես Ամորին, ում մեկնաբանությունը հեռարձակում է «Ռուսթավի 2»-ը։