Եվրախորհրդարանի պատգամավոր Լարս Պատրիկ Բերգ. Այժմ Վրաստանի բոլոր քաղաքական գործիչները մեծ պատասխանատվություն են կրում առաջարկությունների համատեղ իրականացման համար, որքան էլ դա դժվար լինի
Կարևոր է, որ Վրաստանում քաղաքական գործիչները միասնական լինեն Եվրահանձնաժողովի առաջարկությունների վրա աշխատելիս,- ասել է եվրոպացի պատգամավոր Լարս Պատրիկ Բերգը։
«Վրաստանը եվրոպական ընտանիքի անդամ է։ Վրաստանը Եվրամիության անդամ երկրների հետ կիսում է բազմաթիվ արժեքներ։ Կարևոր է, որ բնակչությունը, հատկապես երիտասարդները, ունենան Եվրամիության անդամակցության շատ հստակ ճանապարհ։ Կարևոր է նաև, որ Վրաստանում քաղաքական գործիչներն ունենան միասնություն, միասնություն և միասնություն առաջարկությունների վրա աշխատելիս: Երբեմն ներքաղաքական կյանքում դժվար է լինում, քանի որ նրանք մրցում են միմյանց հետ, բայց միասնությունն ամենակարևորներից է հաջողություն երաշխավորելու և Եվրահանձնաժողովի կողմից տրված հանձնարարականները կյանքի կոչելու համար։ Ափսոս, որ Վրաստանին չտրվեց նույն արտոնությունը, ինչ Ուկրաինային ու Մոլդովային, բայց քաղաքական իրականությանը պետք է այլ կերպ նայել։ Երկրի համար դեռ շատ հնարավորություններ կան։ Բոլոր քաղաքական գործիչները այժմ հսկայական պատասխանատվություն ունեն՝ հոգալու, որ առաջարկությունները միասին իրականացվեն, որքան էլ դա դժվար լինի: Միասնությունը Եվրամիությանն անդամակցելու երաշխիք կլինի»,- ասել է Լարս Պատրիկ Բերգը։