Եվրախորհրդարանականները տարածում են համատեղ նամակ. Կոչ ենք անում Ռուսաստանի Դաշնությանը Եվրամիության դիտորդական առաքելությանը հնարավորություն տա անարգել մուտք գործել Վրաստանի երկու օկուպացված շրջաններ և վերջ տալ մարդու իրավունքների համակարգային ոտնահարումներին
Կոչ ենք անում Ռուսաստանի Դաշնությանը Եվրամիության դիտորդական առաքելությանը հնարավորություն տա անարգել մուտք գործել Վրաստանի երկու օկուպացված շրջաններ և վերջ տալ մարդու իրավունքների համակարգային ոտնահարումներին, – ասվում է Եվրախորհրդարանի պատգամավորների համատեղ նամակում՝ կապված 2008 թվականին Վրաստանում իրականացված Ռուսաստանի ագրեսիայի և Վրաստանի շրջանների բռնազավթման հետ:
Նամակը ստորագրել են Արտաքին հարաբերությունների կոմիտեի նախագահ Դեյվիդ Մաքալիսթերը, Հարավային Կովկասում պատվիրակության նախագահ Մարինա Կալյուրանդը և Վրաստանի հարցերով Եվրոպական խորհրդարանի մշտական զեկուցող Սվեն Միքսերը:
Ըստ նամակի, չնայած աշխարհաքաղաքական ծանր իրավիճակի ստեղծած մարտահրավերներին, Վրաստանի քաղաքացիները եվրոպական ընտանիքի մաս են կազմում և նրանք ազատ և մեծամասնությամբ ընտրել են եվրատլանտյան ինտեգրման ուղին:
«Ցավոք, Աբխազիայի և Ցխինվալի տարածաշրջանի / Հարավային Օսեթիայի ժողովուրդը չի կարող իրականացնել իր քաղաքական և քաղաքացիական իրավունքները որպես Վրաստանի քաղաքացիներ և չի կարող վայելել ԵՄ ասոցացման համաձայնագրով ամրապնդված սոցիալ-տնտեսական զարգացումը»:
Ըստ նամակի, Վրաստանի իշխանությունն արժանի է գովասանքի երկխոսության պատրաստակամության համար, որն արտացոլված է «Քայլ դեպի ավելի լավ ապագա» հավակնոտ նախաձեռնության մեջ, որի նպատակն է խթանել առևտուրը, կրթությունը և շարժունակությունը վարչական սահմանի երկու կողմերում ապրող քաղաքացիների համար: Եվրախորհրդարանականները ողջունում են վերջերս Վրաստանի վարչապետի աշխատակազմի կողմից ստեղծված կառավարական հանձնաժողովը՝ դեօկուպացման և հակամարտությունների խաղաղ կարգավորման վրացական պետական ռազմավարության մշակման և իրականացման համար:
«Մենք հաստատակամորեն հավատարիմ ենք Վրաստանի ինքնիշխանությանը և տարածքային ամբողջականությանը՝ միջազգայնորեն ճանաչված սահմաններում և վճռական ենք նպաստել հակամարտության խաղաղ կարգավորմանը, այդ թվում՝ 2008 թվականի օգոստոսի 12-ին կնքված հրադադարի համաձայնագրի լիարժեք իրագործման միջոցով, Ժնևի միջազգային բանակցություններով, ԵՄ դիտորդական առաքելության գործունեությամբ և Կովկասում և Վրաստանում ԵՄ հատուկ ներկայացուցչի ջանքերով:
Կոչ ենք անում Ռուսաստանի Դաշնությանը Եվրամիության դիտորդական առաքելությանը հնարավորություն տա անարգել մուտք գործել Վրաստանի երկու օկուպացված շրջաններ և վերջ տալ մարդու իրավունքների համակարգային ոտնահարումներին», – նշված է Եվրոպական խորհրդարանականների համատեղ նամակում:
