Մեզ համար շատ կարեւոր է, որ Վրաստանը շարունակի Եվրամիությանն ինտեգրման գործընթացը: Այդ իսկ պատճառով մենք այստեղ ենք, ցանկանում ենք զրուցել ձեր քաղաքական գործիչների հետ և հետևել ձեր ընտրություններին, – ասել է ռումինացի եվրապատգամավոր Տոմաս Զդեչովսկին:

«Մենք երեկ հանդիպեցինք վարչապետի հետ եւ մեր ուղերձն իսկապես ուժեղ ու հստակ էր: Մենք իսկապես ցանկանում ենք շարունակել բանակցությունները Վրաստանի հետ և ցանկանում ենք գերազանց հարաբերություններ ունենալ: Իրոք, մի դադարեք պայքարել ժողովրդավարության համար: Ժողովրդավարական երկրում, եթե աչք փակես, կարթնանաս բռնապետությունում: Սա միշտ այդպես է, անընդհատ, յուրաքանչյուր երկրում: Դրա համար ենք մենք այստեղ, սա է մեր աջակցությունը: Մեզանից շատերը շատ փորձառու են: Մենք ցանկանում ենք արդար ընտրություններ, և ԿԸՀ նախագահի հետ հանդիպմանը ցանկանում ենք հարցնել, քանի մարդ ունեք, ինչպես է աշխատում համակարգը և այլն: Սա մեզ համար առանցքային հարցեր են», – ասաց Տոմաս Զդեչովսկին:

Վրաստանում ընթանում են տեղական ինքնակառավարման մարմինների ընտրություններ: Քաղաքացիներն ընտրում են քաղաքապետեր մայրաքաղաքում և 63 մունիցիպալիտետներում: Բացի այդ, ընտրելով մեծամասնականներ և քվեարկելով կուսակցությունների օգտին, ընտրողները կհամալրեն 64 ավագանի ամբողջ երկրում: