Եվրամիության երկրները հնարավոր է ԱՄՆ-ից, Բրազիլիայից և Ռուսաստանից այցելուներին ժամանակավորապես չընդունեն: Պատճառն այս երկրներում համավարակաբանական իրավիճակն է:

Ինչպես գրում է «Նյու Յորք Թայմսը», Եվրամիությունը պատրաստել է այն երկրների ցուցակը, որոնց համար կբացի իր սահմանները:

Լրատվամիջոցը գրում է, որ ներկայումս պատրաստված է ընդունելի այցելուների երկու հավանական ցուցակ, հիմնվելով այն բանին, թե ինչպես է այս կամ այն ​​երկիրը հաղթահարում կորոնավիրուսի համավարակը: Ցուցակում ներառված է Չինաստանը և այնպիսի զարգացող երկրներ, ինչպիսիք են՝ Ուգանդան, Կուբան և Վիետնամը: Ցուցակում չկա Միացյալ Նահանգները և մի շարք պետություններ, որտեղից, ինչպես գրում է հրատարակչությունը այցելուների ընդունելը ռիսկային է:

«Նյու Յորք Թայմսը» նշում է, որ ցուցակները դեռ հաստատված չեն, սակայն դա կարող է տեղի ունենալ հաջորդ շաբաթ: