Եվրամիության դեսպանները համաձայնության են եկել Ռուսաստանի դեմ պատժամիջոցների ութերորդ փաթեթի շուրջ, որը նախատեսում է նաեւ ռուսական նավթի գնի վերին շեմի սահմանում
ԵՄ դեսպանները համաձայնության են եկել Ռուսաստանի դեմ պատժամիջոցների ութերորդ փաթեթի շուրջ։ Այս մասին հայտնում է «Financial Times»-ը։
Ըստ լրատվամիջոցի՝ պատժամիջոցների ութերորդ փաթեթի շրջանակներում ԵՄ անդամ երկրները պայմանավորվել են ռուսական նավթի գնի վերին սահման սահմանել։
Ինչպես «Financial Times»-ին հայտնել են իրազեկ աղբյուրները, գնի վերին շեմի հետ կապված ճշգրիտ մանրամասները դեռևս ներառված չեն ութերորդ փաթեթում, և այդ հարցի վերաբերյալ որոշումը կկայացվի «Մեծ յոթնյակի» շրջանակներում։
ԵՄ միջոցները ներառում են նաև արտահանման և ներմուծման լրացուցիչ սահմանափակումներ, ինչպես նաև անհատական պատժամիջոցներ Ռուսաստանի պետական պաշտոնյաների դեմ։
Պատժամիջոցներն ուժի մեջ կմտնեն ԵՄ պաշտոնական ամսագրում հրապարակվելուց հետո, որը սպասվում է այս շաբաթ։