Եվրամիության արտաքին գործերի նախարարները պայմանավորվել են Ռուսաստանի դեմ պատժամիջոցների նոր փաթեթ սահմանելու շուրջ
Եվրամիության արտաքին գործերի նախարարները պայմանավորվել են Ռուսաստանի դեմ պատժամիջոցների նոր փաթեթ սահմանելու շուրջ։
Տեղեկությունը տարածում է «Ռոյթերս» գործակալությունը։
Գործակալության տվյալներով՝ Եվրամիության անդամ երկրների արտաքին գործերի նախարարներն արտահերթ հանդիպում են անցկացրել Նյու Յորքում, որտեղ ընթանում է ՄԱԿ-ի Գլխավոր ասամբլեայի 77-րդ նստաշրջանը։ Նախարարները պայմանավորվել են Մոսկվայի դեմ պատժամիջոցների նոր՝ ութերորդ փաթեթի և Ուկրաինային զենքի մատակարարումների ավելացման շուրջ։
Ջոզեֆ Բորելը ասել է, որ Պուտինի հայտարարությունը, որը ներառում էր ուկրաինական տարածքի բռնակցման քայլերը և Ռուսաստանի պաշտպանության համար միջուկային զենք օգտագործելու սպառնալիքները, ցույց տվեց խուճապ և հուսահատություն:
«Հասկանալի է, որ Պուտինը փորձում է ոչնչացնել Ուկրաինան»,- ասել է Բորելը։
Գործակալության տվյալներով՝ ԱԳ նախարարները համաձայնության են եկել փաթեթի շուրջ, որն ուղղված կլինի Ռուսաստանի առավել համապատասխան հատվածներին, ինչպես նաև Ուկրաինայում Ռուսաստանի ագրեսիվ պատերազմի պատասխանատուներին։
Reuters-ի փոխանցմամբ՝ նախարարները հաջորդ պաշտոնական հանդիպումը կանցկացնեն հոկտեմբերի կեսերին, երբ պատժամիջոցների փաթեթը կարող է պաշտոնապես ստորագրվել։