Դեկտեմբերին մենք Վրաստանի վերաբերյալ վերլուծական զեկույց կներկայացնենք, իսկ 2023 թվականի աշնանը՝ ընդլայնման փաթեթի զեկույցը կներկայացնենք,- ասել է Եվրամիության արտաքին հարաբերությունների և անվտանգության քաղաքականության խոսնակ Փիթեր Ստանոն՝ ի պատասխան վրացի լրագրողի հարցին։

Մասնավորապես, լրագրողը Փիթեր Ստանոյից հետաքրքրվել է, թե արդյոք դեկտեմբերին զեկույց կլինի Վրաստանի կողմից 12 պայմանների կատարման գնահատման վերաբերյալ։

«Իսկապես, մենք դեկտեմբերին կներկայացնենք վերլուծական հաշվետվություն, իսկ 2023 թվականի աշնանը՝ ընդլայնման փաթեթի հաշվետվություն»,- ասել է Փիթեր Ստանոն։

Բացի այդ, ինչպես նշեց Փիթեր Ստանոն, ընդլայնման փաթեթը հրապարակվում է ամեն տարի աշնանը, սակայն ընթացակարգային պատճառներով այս տարի անհնար է ընդլայնման փաթեթում ներառել Վրաստանը, Ուկրաինան և Մոլդովան։

«Եվրոպական խորհուրդը Եվրահանձնաժողովին խնդրել է ընդլայնման փաթեթում ներառել Ուկրաինան, Մոլդովան և Վրաստանը։ Սովորաբար ընդլայնման փաթեթը հրապարակվում է յուրաքանչյուր տարվա աշնանը, իսկ հաշվետու ժամանակաշրջանը սկսվում է գարնանը։ Իհարկե, պարզ է, որ տրամաբանական ու ընթացակարգային պատճառներով այս տարի անհնար է այս երեք երկրներին ընդգրկել ընդլայնման փաթեթում։ Ասացինք նաեւ, որ այս տարվա դեկտեմբերին Եվրահանձնաժողովը կներկայացնի վերլուծական զեկույց, որտեղ կքննարկվեն Վրաստանի համար սահմանված առաջնահերթությունները»,- ասաց Փիթեր Ստանոն։

Հարցին, թե դեկտեմբերին կլինի՞ զեկույց 12 պայմանների կատարման գնահատման վերաբերյալ, Փիթեր Ստանոն նշեց, որ դեկտեմբերին կներկայացվի վերլուծական, իսկ 2023 թվականի աշնանը՝ ընդլայնման փաթեթի մասին հաշվետվություն։