Եվրահանձնաժողովի փաստաթուղթ. ԵՄ-ն կշարունակի խոսել Վրաստանում և Ուկրաինայում Ռուսաստանի կողմից միջազգային օրենսդրության համակարգային խախտումների մասին, այդ թվում՝ նախաձեռնությունների միջոցով
Եվրահանձնաժողովը ներկայացրել է Ռուսաստանի հետ հարաբերությունների նոր ռազմավարություն: Փաստաթղթում ասվում է, որ ԵՄ-ն պետք է ավելի դիմացկուն լինի Ռուսաստանի փորձերի նկատմամբ, որի նպատակն է ցնցել Եվրամիությունը, մինչդեռ ԵՄ-ն պետք է ավելի համակարգված և միասնական կերպով արձագանքի Ռուսաստանից եկող սպառնալիքներին:
ԵՄ արտաքին քաղաքականության գերատեսչության ղեկավար Ժոզեֆ Բորելի խոսքով, հանձնաժողովի առաջարկը կոչվում է «Հակադարձել, զսպել և համագործակցել»:
Նրա խոսքով, Ռուսաստանի կառավարության կողմից գիտակցաբար ընտրված քաղաքականությունը բացասական գիծ է ստեղծել հարաբերություններում վերջին տարիներին: Ըստ Բորելի, ԵՄ-ի ու Ռուսաստանի հարաբերությունները բոլոր ժամանակների ամենացածր մակարդակի վրա են, և Բրյուսելը պետք է պատրաստվի այդ հարաբերությունների վատթարացմանը:
ԵՄ-ի հետ հարաբերությունների մասին 14 էջանոց փաստաթղթում ընդգծվում է, որ ԵՄ-ի հետ հարաբերությունների կառավարումը Բրյուսելի համար «մեծ ռազմավարական մարտահրավեր է, քանի որ Մոսկվան ձգտում է միջամտել ԵՄ ներքին գործերին և ապակայունացնել կազմակերպության անդամ երկրներին և հարևաններին»:
Ռազմավարության մեջ նշվում է, որ ԵՄ-ն պետք է ավելի համակարգված արձագանքի Ռուսաստանի մարդու իրավունքների խախտումներին և պահպանի ժողովրդավարական արժեքները: Այս համատեքստում փաստաթղթում հիշատակված է նաև Վրաստանը:
«Ռուսաստանը դիմում է ուղղակի ռազմական ուժի և հիբրիդային գործողությունների՝ չկարգավորված հակամարտություններում, որոնք նա ակտիվացնում է Ուկրաինայում, Վրաստանում և Մոլդովայում, ինչպես նաև ԵՄ հարավային հարևանության տարածքում՝ Սիրիայում և Լիբիայում», – ասվում է փաստաթղթում:
Ռազմավարական փաստաթղթում նշվում է, որ ԵՄ-ն կտրականապես դեմ է ռուսական ազդեցության արտոնյալ ոլորտներ ստեղծելու Ռուսաստանի փորձին: ԵՄ-ն նշում է, որ «Արևելյան գործընկերներն ունեն լիակատար, ինքնիշխան իրավունք` իրենց համար որոշելու ԵՄ-ի և այլ միջազգային խաղացողների հետ իրենց հարաբերությունների մակարդակը»:
«Սակայն, Ռուսաստանը շարունակում է իր առճակատման քաղաքականությունը՝ ճնշում գործադրելու համար օգտագործելով մեղմ և կոշտ ուժ: Ըստ այդմ, ԵՄ քաղաքականության ուսումնասիրությունը կենտրոնանում է ԵՄ Արևելյան գործընկերների կայունության ամրապնդման վրա՝ երկկողմ համաձայնագրերի միջոցով (ներառյալ Ասոցացման համաձայնագիրը և խորը և համապարփակ ազատ առևտրի համաձայնագիրը), զգալի ֆինանսական աջակցությմբ՝ կենտրոնանալով տնտեսության, կառավարման, օրենքի գերակայության, վրա», – ասվում է փաստաթղթում:
Բացի այդ, փաստաթղթի համաձայն, «Եվրամիությունը նաև շարունակում է դիմակայել Ռուսաստանի կառավարության փորձերին` իրեն ներկայացնել որպես միջնորդ, այլ ոչ թե Ուկրաինայի, Վրաստանի և Մոլդովայի տարածքային հակամարտությունների կողմ:
«Եվրամիությունը վարում է չճանաչման քաղաքականություն Ղրիմի թերակղզու անօրինական բռնագրավման և Ռուսաստանի կողմից Աբխազիայի և Հարավային Օսեթիայի շրջանների «անկախության» աջակցության նկատմամբ», – ասված է Եվրահանձնաժողովի հայտարարության մեջ:
Ռազմավարության մեջ նշվում է, որ ԵՄ-ն շարունակելու է դեմ լինել Ռուսաստանի կողմից մարդու իրավունքների ոտնահարումներին և իր ձայնը կբարձրացնի՝ պաշտպանելով ժողովրդավարական արժեքները:
«Եվրամիությունը կշարունակի խոսել Ռուսաստանի կողմից Ուկրաինայում և Վրաստանում միջազգային իրավունքի համակարգային խախտումների մասին, այդ թվում՝ համախոհ գործընկերների հետ նախաձեռնությունների միջոցով: Սա ներառում է Ռուսաստանին կոչ անել պատասխանատվություն ստանձնել որպես հակամարտության կողմ և պահպանել Մինսկի համաձայնագիրը: ԵՄ-ն ակտիվորեն բոլոր մակարդակներում կդիմակայի Ռուսաստանի կեղծ գործողություններին, որոնք ուղղված են Մոսկվայի գործողությունների արդարացմանը», – ասված է հայտարարության մեջ:
Եվրահանձնաժողովի կողմից կազմված փաստաթուղթը կքննարկվի հունիսի վերջին ԵՄ առաջնորդների հաջորդ գագաթնաժողովում:
