Եվրահանձնաժողովը մերժել է հացահատիկի արգելքը երկարացնելու առաջարկը,- «Եվրոպեյսկայա պրավդա»-ին հայտնել է Եվրամիությունում Ուկրաինայի ներկայացուցիչ Վսեվոլոդ Չենցովը։

Չենցովի խոսքով՝ Եվրահանձնաժողովը հերքել է Ուկրաինայի գյուղատնտեսական արտադրանքի ներմուծման ժամանակավոր սահմանափակումների երկարաձգման մասին տեղեկատվությունը, որը կավարտվի սեպտեմբերի 15-ին։

Չենցովն ասել է, որ Բրյուսելում ընթանում է ուկրաինական գյուղատնտեսական արտադրանքի արտահանման և տարանցման հարցերով համատեղ համակարգող պլատֆորմի 9-րդ հանդիպումը, որին մասնակցում են Եվրահանձնաժողովի և Ուկրաինայի հարևան ԵՄ անդամ երկրների համապատասխան տնօրենները, որոնց նախագահն է Մայքլ Հագերը:

Ավելի վաղ լեհական «RMF24» ռադիոն հայտնել էր, որ Մայքլ Հագերն առաջարկել է սեպտեմբերի 15-ից հետո երկարացնել ուկրաինական գյուղատնտեսության որոշ տեսակների ներմուծման ժամանակավոր արգելքը՝ Լեհաստանի և Հունգարիայի պահանջով։

«Հագերը հերքեց դա, երբ ես նրան հարցրի, թե արդյոք «RMF»-ի այս հաղորդագրությունը համապատասխանում է իրականությանը»,- ասել է Չենցովը «Եվրոպեյսկայա պրավդա»-ին տված հարցազրույցում։

Լրատվամիջոցը գրում է, որ Եվրահանձնաժողովի գործողությունների ռազմավարության մասին որոշումը դեռ չի կայացվել, և անհնար է երաշխավորել, որ նման առաջարկ չի հայտնվի մինչև սեպտեմբերի 15-ը։