Եվրահանձնաժողովը կարող է հարյուր միլիոնավոր եվրոյով տուգանել Իլոն Մասկի X սոցիալական ցանցին
Եվրահանձնաժողովն ավարտել է Իլոն Մասկի՝ X սոցիալական ցանցի հետ կապված նախնական հետաքննությունը եւ հնարավոր է, մի քանի միլիոն եվրո տուգանք սահմանի։
Այս մասին հայտնում է գերմանական «Handelsblatt» թերթը։
Հետաքննություն է ընթանում 2023 թվականի դեկտեմբերից՝ Եվրոպական հանձնաժողովի թվային ծառայությունների ակտի շրջանակներում, որը խիստ կանոնակարգեր է սահմանում ինտերնետ ընկերությունների համար։
Համաձայն ակտի՝ X-ը մեղադրվում է գովազդի թափանցիկության կանոնները խախտելու, քննիչների համար բավարար տվյալների հասանելիությունը սահմանափակելու և սպառողներին մոլորության մեջ գցելու մեջ՝ կապույտ նշան շնորհելով։
Եթե որոշումը կայացվի, X-ը կարող է ստիպված լինել հարյուր միլիոնավոր եվրոներ վճարել:
Թվային ծառայությունների մասին օրենքի կանոնների համաձայն՝ X-ը, որպես շատ մեծ հարթակ, ստանձնում է հատուկ պարտավորություններ՝ միջոցներ ձեռնարկելու ատելության և ապատեղեկատվության դեմ, ինչպես նաև սահմանափակելու երիտասարդների շրջանում կախվածության ռիսկը:
Նախկինում Իլոն Մասկը Եվրամիությունն անվանել էր գրաքննության մարմին և ԵՄ կարգավորումը անվանել էր միջամտություն խոսքի ազատությանը: Իլոն Մասկին աջակցել է նաև Meta ընկերության ղեկավար Մարկ Ցուկերբերգը, ով Դոնալդ Թրամփին խնդրել է թույլ չտալ, որ Եվրամիությունը տուգանի ամերիկյան տեխնոլոգիական ընկերություններին։