Եվրահանձնաժողովը Հունգարիային երկամսյա ժամկետ է տալիս «ազգային ինքնիշխանության պաշտպանության մասին» օրենքը Եվրամիությանը համապատասխանեցնելու համար, հակառակ դեպքում նա կդիմի Եվրոպական դատարան։

Ինչպես նշվում է Եվրահանձնաժողովի հայտարարության մեջ, Եվրամիությունը հիմնավորված կարծիք է ուղարկել Հունգարիա՝ մեղմացնելու օրենքը, որը ազատազրկման ժամկետներ է նախատեսում քաղաքական խմբերի համար, որոնք արտաքին ֆինանսավորում են ստանում քաղաքական դրդապատճառներով։

Դեկտեմբերին Հունգարիայի կողմից ընդունված «Ազգային ինքնիշխանության օրենքը» նախատեսում է անկախ մարմնի ստեղծում՝ ուսումնասիրելու և վերահսկելու քաղաքական միջամտության ռիսկերը։ Այս օրենքը հնարավորություն է տալիս օտարերկրյա ֆինանսավորմամբ ընտրություններին մասնակցող կուսակցությունների և խմբերի անդամներին մինչև երեք տարի ժամկետով ազատազրկում։ Եվրահանձնաժողովն այս օրենքի վերաբերյալ ընթացակարգը սկսել է այս տարվա փետրվարին։ Եվ հիմա, հիմնավորված կարծիք է ուղարկվել, որը Եվրամիության օրենսդրությանը համապատասխանեցնելու պաշտոնական խնդրանք է։ Բրյուսելի կարծիքով՝ օրենքը խախտում է Եվրամիության ժողովրդավարական արժեքներն ու հիմնարար իրավունքները։ Հունգարիայի իշխող Ֆիդես կուսակցությունը պնդում է, որ այս օրենքը անհրաժեշտ է արտաքին քաղաքական միջամտությունից պաշտպանվելու համար։