Եթե անհրաժեշտ լինի ներողություն խնդրել, եթե ստիպված մեկին անհարմարություն պատճառենք, մեկ անգամ ևս կխնդրենք ներողություն,- այս մասին հայտարարել է Վրաստանի ներքին գործերի նախարար Գիորգի Գախարիան՝ «Հայրենասերների դաշինք» կուսակցության նիստին:

Պատգամավոր Գիորգի Լոմիան նախարարին հարցրել է, ինչու է ներդողություն խնդրել գիշերային ակումբներում անցկացված հատուկ գործողությունից հետո:

Ինչպես նշել է Գիորգի Գախարիան, անցկացված հատուկ ոստիկանական միջոցառումը արդյունավետ էր, որի ժամանակ ձերբակալել են մի քանի թմրանյութ իրացնողի:

«Ձերբակալված թմյանյութ իրացնողների մի մասը համագործակցում է հետաքննության հետ և տալիս բավականին հետաքրքիր ցուցմունքներ: Ես նրանց առջև չեմ խնդրել ներողություն, չեմ էլ պատրաստվում և երբեք չեմ խնդրի: Հատուկ միջոցառման անցկացման գործընթացում մենք ստիպված ենք եղել երիտասարդ քաղաքացիներին պատճառել որոշակի անհարմարություն: Ես ներողություն եմ խնդրել միայն և միայն դրա համար: Նշել եմ նաև, որ ոչ ոք երբեք չի կարող սահմանափակել ոստիկանության իրավասության իրագործումը»,- հայտարարել է Գիորգի Գախարիա: