Ընտրվելու դեպքում ես ամեն ինչ կանեմ ծառայության քաղաքական չեզոքությունը և նրա աշխատակիցների քաղաքական ազդեցությունից պաշտպանելու համար,- այս մասին խորհրդարանի իրավաբանական հանձնաժողովի նիստում հայտարարել է՝ Հատուկ քննչական ծառայության ղեկավարի թեկնածու Կոկա Կացիտաձեն:

Նրա խոսքով, անկախ քննչական մարմինները հաճախ ենթարկվում են քաղաքականության անարժանի ազդեցությանը, ցեխ շպրտում իր վրա և անարժանաբար քննադատում իրեն։

«Հարցն այն էր, թե որոշ դեպքերում քաղաքական դրդապատճառ տեսե՞լ եք։ Նախ ուզում եմ նշել, որ միշտ էլ կա բարձր քաղաքական շահագրգռվածություն, հատկապես նման քննչական մարմինների նկատմամբ, և նման անկախ քննչական մարմինները հաճախ ենթարկվում են քաղաքականության անարժանի ազդեցությանը, ցեխ շպրտելով նրա վրա և անարժանաբար քննադատելով այն։ Այնուամենայնիվ, շատ դեպքերում, իհարկե, հնչում է առողջ քննադատություն, ինչը շատ կարևոր է ծառայության այս տեսակի զարգացման համար։ Հետևաբար, եթե ընտրվեմ այս ծառայության ղեկավարի պաշտոնում, ես կանեմ ամեն ինչ որպես ղեկավար՝ ելնելով այն օրենսդրական լծակներից, որ ունի այս ծառայությունը, պաշտպանել քաղաքական չեզոքությունը և պաշտպանել իմ աշխատակիցներին քաղաքական բոլոր ազդեցություններից, որպեսզի նրանք կարողանան հետաքննել գործերը արդյունավետ և անկախ»,- ասել է Կոկա Կացիտաձեն։