Ես և Ալեկոն թաքցնելու բան չունենք, եթե որևէ բան ունեն թող հրապարակեն. Լևան Իոսելիանի
Եթե որևէ բան ունեն մեր մասին թող հրապարակեն, ոչ ես, ոչ էլ Ալեկոն ոչ մեկից թաքցնելու կամ քողարկելու բան չունենք, – այսպես է արձագանքում «Մոքալաքեեբիի» անդամ Լևան Իոսելիանին սոցիալական ցանցում լրագրող Էլիսո Կիլաձեի կողմից արված սկանդալային հայտարարությանը, որտեղ նա սպառնում է, որ կհրապարակի Ալեկո Էլիսաշվիլիի անձնական կյանքը պատկերող նյութեր:
Իոսելիանիի խոսքով, «Մոքալաքեեբի» կուսակցությունը ունի հատուկ ծրագիր, թե ինչպես օգնել երկրին:
«Եթե նրանք մեր մասին ինչ-որ բան ունեն, թող հրապարակեն: Մինչ այժմ ամենամեծ կոմպրոմատը ինչ գտել են այն է, որ պարզվում է, որ ես ու Կոբախիձեն կուրսեցիներ ենք եղել: Եթե դրանից դուրս ինչ-որ բան ունեն, ես նրանց հորդորում եմ հրապարակել: Ոչ ես, ոչ էլ Ալեկոն ոչ մեկից թաքցնելու կամ քողարկելու բան չունենք: Քանի որ մենք գնում ենք բոլոր հեռարձակումներին, քանի որ պատասխանում ենք բոլոր հարցերին, մենք ոչ մի բան չենք թաքցնում, մենք ունենք հատուկ ծրագիր և ցանկանում ենք օգնել երկրին հաղթահարել ճգնաժամը», – հայտարարել է Իոսելիանին: