Ես դիմում եմ կառավարությանը, ընդդիմադիր կուսակցություններին, որպեսզի բոլոր ջանքերը գործադրեն Եվրամիությանը անդամակցության և Ուկրաինայի վերաբերյալ միասնական դիրքորոշում հաստատելու համար. Սալոմե Զուրաբիշվիլի
Վրաստանի նախագահ Սալոմե Զուրաբիշվիլին կառավարությանը և ընդդիմադիր կուսակցությունների ներկայացուցիչներին կոչ է արել բոլոր ջանքերը գործադրել Եվրամիությանը անդամակցության և Ուկրաինայի հարցում միասնական դիրքորոշում հաստատելու համար։
Նրա խոսքով, ինքը ողջունում է Եվրամիությանը անդամակցելու վերաբերյալ վարչապետի հայտարարությունը և խորհրդարանում մշակվող բանաձևը։ Նախագահը կոչ է արել բոլորին միաձայն ընդունել բանաձևը։
«Ուզում եմ դիմել կառավարությանը և ընդդիմադիր կուսակցությունների ներկայացուցիչներին։ Այս դժվարին ժամանակաշրջանում պետք է բոլոր ջանքերը գործադրել, որպեսզի կարողանանք միասնական դիրքորոշում ձևավորել՝ մի կողմից Եվրամիությանը անդամակցության հարցում, մյուս կողմից՝ Ուկրաինայի մասով։ Որպեսզի ոչ մի հարց չօգտագործվի քաղաքական նեղ շահերի համար։
Ես ողջունում եմ վարչապետի հայտարարությունը անդամակցության մասին, ողջունում եմ խորհրդարանում մշակվող բանաձևը և կոչ եմ անում բոլորին միաձայն ընդունել այս բանաձևը։ Կարդացել եմ նաև մի քանի հայտարարություններ, որոնք արվել են հասարակական կազմակերպությունների կողմից, այլ հասարակական միջնորդություններ կամ նախաձեռնություններ, որոնք նույնպես ողջունում եմ։ Մենք առաջարկում ենք, որ բոլոր այս նախաձեռնությունները լինեն միասնական և բոլորս ստորագրենք մեկ փաստաթուղթ, որը կաջակցի մեր դիմումին և կլինի այս հարցում մեր լիակատար միասնության նշանը։ Եվ Վրաստանի անունից մեկ փաթեթով ուղարկվեն Եվրամիությանը։ Առաջարկում եմ անհապաղ ստեղծել Եվրամիությանը ինտեգրման հարցերով պետնախարարի պաշտոնը և գրասենյակը, որը կարող է ընտրվել ընդդիմությունից։ Այն կհամակարգի, որպեսզի անդամության պահանջները անհապաղ կատարվեն, ինչպես դա տեղի է ունենում մյուս թեկնածու երկրների դեպքում: Կոչ եմ անում կառավարությանը ընդդիմադիր սպեկտրի մասնակցությամբ ստեղծել Անվտանգության խորհրդի ընդլայնված կամ այլ ձևաչափ, որտեղ կքննարկվեն բոլոր զգայուն հարցերը։ Այստեղ կրկին ուզում եմ ձեզ կոչ անել՝ այս ամենի համար ամենադժվար ժամանակահատվածում ատելության խոսքի կիրառման մորատորիում հայտարարել։
Ի վերջո, ուզում եմ շնորհակալություն հայտնել ժողովրդին բոլոր մասնավոր նախաձեռնությունների և համերաշխության նախաձեռնությունների համար, որոնք իրենց աջակցությունն են ցուցաբերել Ուկրաինային։ Ուկրաինայում ապրող մեր հայրենակիցների և իմ անունից ցանկանում եմ նաև շնորհակալություն հայտնել Կիևում, Օդեսայում և Լվովում դեսպանության և հյուպատոսության անձնակազմին անձնական և անխոնջ նվիրումի համար։
Ուզում եմ ձեզ ասել, որ մեզ բարդ ժամանակ է սպասվում, տնտեսական և սոցիալական ծանր վիճակ, ինչպես ամբողջ աշխարհում։ Սա ներդրում է մեր հասարակությանը, այն ժամանակ, երբ մեր ուկրաինացի եղբայրները արյան ու պայքարի միջոցով պաշտպանում են մեր ազատությունը, անկախությունը և դեպի նոր ապագա տանող դուռը։ Ուզում եմ իմանաք, որ ջանք չեմ խնայի իշխանության ու ընդդիմության հետ համագործակցության ու միասնության ճանապարհ գտնելու համար։ Եկեք միասին դիմակայենք վտանգներին և միասին գտնենք բոլոր նոր դռների բանալիները: Դուք նույնպես պետք է ձեր ներդրումն ունենաք, կատարեք ձեր պարտավորությունը և իրականություն դարձնեք ազգային համաձայնությունը, քանի որ դա երկրի իրական հենարանն է, որը մեզ հնարավորություն կտա անել ամեն ինչ։ Փառք Ուկրաինային. Փառք հերոսներին. Փառք Վրաստանին»,- ասել է Սալոմե Զուրաբիշվիլին։
