«Երրորդ ուժ» քաղաքական հարթակի ներկայացուցիչները հանդիպել են ԱՄՆ կոնգրեսականների հետ:

Ինչպես հանդիպումից հետո ասաց «Երրորդ ուժ – ռազմավարությունը՝ շինարար» կազմակերպության ղեկավար Գիորգի Վաշաձեն, կոնգրեսականները խոսեցին այն բարեփոխումների մասին, որոնք անհրաժեշտ են Վրաստանին, ընտրությունների հետ կապված հարցերին և բևեռացված միջավայրին:

Ըստ Վաշաձեի, կոնգրեսականներին ներկայացվել է նաեւ քաղաքական հարթակ ստեղծելու գաղափարը:

«Մենք հանդիպեցինք ամերիկացի կոնգրեսականների հետ, խոսեցինք մեր երկրում տիրող բարդ իրավիճակի, այն բարեփոխումների մասին, որոնք անհրաժեշտ են Վրաստանի արևմտյան ընտրության համար և ամենակարևորը՝ բևեռացված միջավայրին, որը պետք է ավարտվի: Մենք խոսեցինք նաեւ «Երրորդ ուժի» գաղափարի մասին, որը կարեւոր է այս երկբեւեռ շրջանակը ճեղքելու համար»,- ասել է Գիորգի Վաշաձեն:

Գիորգի Վաշաձեն միաժամանակ ասում է, որ «Երրորդ ուժի» ներկայացուցիչները պահանջում էին առանձին ձևաչափով հանդիպում ԱՄՆ կոնգրեսականների հետ, ինչը, ըստ նրա, նշանակում է կոտրել երկբևեռ շրջանակը:

«Մենք՝ «Երրորդ ուժը», խնդրեցինք նրանց հետ առանձին հանդիպում, քանի որ մենք առանձին ենք դիրքավորված և ցանկանում ենք ճեղքել այս երկբևեռ շրջանակը»,- ասել է Գիորգի Վաշաձեն: