Երկու շաբաթը մեկ անգամ տեղի կունենա աշխատակազմի 20 տոկոսի թեստավորում, որը մեզ հնարավորություն կտա, լիովին վերահսկել համավարակային իրավիճակը, – այս մասին հայտարարել է «Լիլո մոլի» տնօրեն, Գիորգի Կվարացխելիան:

Ըստ նրա, տեղի կունենա սպառողների ջերմասքրինինգ, ձեռքերի մշակում, վերահսկվելու է շնչադիմակ կրելու կարգը, ինչպես նաև կատարվելու են ախտահանիչ աշխատանքներ:

«Լիլո մոլի» տնօրենն ասում է, որ իրենք պատրաստ են վաղը վերսկսել աշխատանքը:

«Միակ բանը, որ մեզ հիմա ավելացրել են, աշխատողների, ձեռներեցների ու նրանց աշխատակիցների փորձարկումն է: Երկու շաբաթը մեկ անգամ տեղի կունենա աշխատակազմի 20 տոկոսի թեստավորում, որը մեզ հնարավորություն կտա, լիովին վերահսկել համավարակային իրավիճակը: Ինչ վերաբերում է սպառողներին, ապա նրանց համար ամեն ինչ անվտանգ կլինի, դա բաց տարածք է: Կիրականացվի ջերմասքրինինգ, ձեռքերի ախտահանում և վերահսկվելու է շնչադիմակ կրելու կարգը: Պատրաստ ենք աշխատանքը վերսկսել վաղը, սկսվում է բիզնեսի գոյատևման շրջանը: Ախտահանման աշխատանքները կիրականացվեն ամեն օր: Եթե հաշվի առնենք, որ փետրվար է, և դա ոչ առևտրային շրջան է, մարդկանց հոսք չի լինի, և իրավիճակը լավ կվերահսկվի», – հայտարարել է Գիորգի Կվարացխելիան: