Երկու կողմերն էլ պետք է շատ ավելին անեն, եթե իսկապես հավատում են, որ Վրաստանն ունի եվրոպական ապագա: Ես հավատում եմ դրան, ես լիովին համոզված եմ և չեմ կարծում, որ այս ճգնաժամը կդադարեցնի եվրոպական ճանապարհը, – այս մասին «Բի Բի Սիի» հետ զրույցում հայտարարել է Վրաստանի նախագահ Սալոմե Զուրաբիշվիլին:

Ինչպես նշել է Սալոմե Զուրաբիշվիլին, այժմ ավելի շատ աշխատանք է անհրաժեշտ փոխզիջում գտնելու համար, քանի որ այդ ճանապարհը ՝ Վրաստանի, բնակչության և բոլոր քաղաքական կուսակցությունների ճանապարհն է:

«Ես կոչ եմ անում նրանց բոլորին, հավանաբար, ավելի մեծ չափով իշխող կուսակցությանը, քանի որ նրանք ավելի պատասխանատու են խուսափել նրանից, ինչ փորձում է անել ընդդիմությունը սադրանքների և ապակայունացման սցենարների առումով: Երկու կողմերն էլ պետք է շատ ավելին անեն, եթե իսկապես հավատում են, որ Վրաստանն ունի եվրոպական ապագա: Ես հավատում եմ դրան, ես լիովին համոզված եմ և չեմ կարծում, որ այս ճգնաժամը կդադարեցնի եվրոպական ճանապարհը», – ասել է Սալոմե Զուրաբիշվիլին:

«Բի Բի Սիի» լրագրողը հարցրեց եվրոպացի գործընկերների քննադատության մասին և որպես օրինակ բերեց Էստոնիայի նախկին նախագահի հայտարարությունը, որին Սալոմե Զուրաբիշվիլին պատասխանեց. «Սա այն մարդու արձագանքն է, ով այլևս քաղաքականության մեջ չէ և կարծում եմ դա չափազանցեցված է»:

«Կարծում եմ, որ Վրաստանը մեծ առաջընթաց է գրանցել իր ճանապարհին: Չեմ կարծում, որ Վրաստանից կարող են հրաժարվել միայն մեկ իրադարձության պատճառով, որն ունի նաև իր նախապատմությունը. Տեղի ունեցավ խորհրդարանի վրա գրոհ, տարբեր սադրանքներ: Հավասարակշռության համար կասեմ, որ չեմ կարծում, որ ժամանակն ու ձևը իսկապես լավագույնն էին: Սակայն դա չի նշանակում, որ Վրաստանը հանկարծ դարձել է ավտորիտար երկիր: Շառլ Միշելի ժամանումը Վրաստան նշանակում է, որ կա ճգնաժամ, բայց դա նշանակում է նաև, որ ոչ ոք չի հրաժարվում Վրաստանից: Մինչ այդ այս հարցի շուրջ աշխատում էին՝ ԱՄՆ-ի և Եվրամիության դեսպանները: Կարծում եմ, սա նշանակում է, որ Վրաստանը կարևոր է Եվրամիության համար, և Եվրամիությունը կարծում է, որ չնայած քննադատություններին, Վրաստանը շարունակում է մնալ տարածաշրջանի ամենաժողովրդավար, զարգացած և կայուն երկիրը», – հայտարարել է Սալոմե Զուրաբիշվիլին:

Ըստ նրա, Եվրամիությանը Վրաստանը պետք է որպես եվրոպական ճանապարհ այս տարածաշրջանում, և պարզ է, որ Վրաստանը նույնպես ունի Եվրամիության կարիքը:

«Ուրախ եմ, որ Եվրամիության գերագույն քաղաքական դեմքերից մեկը միջնորդի դեր ստանձնեց այս ճգնաժամում: Ես շատ հուսով եմ, որ մենք կհաղթահարենք այս ճգնաժամը: Դուք գիտեք, որ Վրաստանն իր պատմության ընթացքում տեսել է շատ ավելի դրամատիկ իրադարձություններ, և մենք դրանք հաղթահարել ենք: Մենք ամենակայուն երկրներից մեկն ենք, և ես վստահ եմ, իմ երկրում», – ասել է Սալոմե Զուրաբիշվիլին: