«Շարժում հանուն Վրաստանի» անդամները, ակտիվիստներն ու «Ազգային շարժման» համակիրները հերթական բողոքի ցույցն են անցկացրել Ռուսթավիի թիվ 12 քրեակատարողական հիմնարկի դիմաց:
Ի տարբերություն նախորդ օրերի, Բաթումիում տեղի ունեցած ողբերգության պատճառով այսօր հանրահավաքը լուռ էր:
Ցուցարարների խոսքով, նրանք համերաշխություն են հայտնում Միխեիլ Սաակաշվիլիին և պահանջում են ազատ արձակել նրան:
«Սա համերաշխության ակցիա է: Մենք մեր համերաշխությունն ենք հայտնում կալանքի տակ գտնվող Միխեիլ Սաակաշվիլիին: Կարծում եմ, որ սա անձամբ իմ, մեր և Վրաստանի ամոթն է: Հնարավոր չէ, որ երկրի նախագահի խորհրդանիշը, շինարարը, այն անձը, ով հիմք դրեց նոր վրացական պետությանը, գտնվի բանտում: Մենք պետք է ավարտենք դա: Իվանիշվիլին իզուր է կարծում, որ մենք կհոգնենք, կկանգնենք ու կթողենք նրան Պուտինի գերության մեջ: Միշան ազատ կլինի, ես դա խոստանում եմ բոլորին», – ասել է Կոբա Խաբազին:
