Երկիրն իրոք ժամանակ չունի անհեռանկար կուսակցությանն իշխանություն վերադառնալու պատրանքներ ստեղծելու համար. Մամուկա Մդինարաձե
Երկիրն իրոք ժամանակ չունի անհեռանկար կուսակցության իշխանություն վերադառնալու պատրանքներ ստեղծելու համար՝ այս մասին հայտարարել է «Վրացական երազանք» խմբակցության ղեկավար Մամուկա Մդինարաձեն:
Ինչպես նշել է Մամուկա Մդինարաձեն, շատ աշխատանք կա անելու, շատ խնդիրներ պետք է լուծվեն, որոնք նկատելի են ամեն օր, սրվող համաճարակաբանական իրավիճակի և, հետևաբար, սոցիալական սրված իրավիճակի ֆոնին, բոլորովին այլ աշխատանք կա անելու:
«Մենք պետք է անցկացնենք ընտրություններ, որոնք կծառայեն այն բանին, որ ընտրենք քաղաքապետեր և ավագանու անդամներ, 2024 թվականին կանցկացվեն խորհրդարանական ընտրություններ: Անկախ նրանից, թե ինչ շահարկումներ կանեն այս մասին և քննադատեն մեր ճիշտ որոշումը, խորհրդարանական ընտրությունների ճակատագիրը կապված չի լինի դրա հետ, և նրանք ստիպված կլինեն համակերպվել այդ ամենին: Տեղեկություն կա այն մասին, որ «Ազգային շարժում»-ն ընդհանրապես չի պատրաստվում մասնակցել ինքնակառավարման մարմինների ընտրություններին և կարող է կրկին վերադառնա ապակառուցողական ռեժիմի, բայց կարծում եմ, որ նրանք ստիպված կլինեն մասնակցել ընտրություններին, իսկ հետո նորից ընդունել իրենց կրած պարտությունը ինքնակառավարման մարմինների ընտրությունների արդյունքում: Նրանք այլընտրանք չեն ունենա, գուցե այնքան էլ չի գրավում նրանց ժողովրդավարական գործընթացներին մասնակցելը, սակայն, համենայնդեպս, պետք է մասնակցեն ինքնակառավարման մարմինների ընտրություններին և, այնուհետև պատրաստվեն 2024 թվականի խորհրդարանական ընտրություններին», – հայտարարել է Մամուկա Մդինարաձեն: