Երեկվա իրադարձություններից հետո «Միացյալ ազգային շարժումը» և դրա արբանյակները լուծարվել են, բայց դա չպետք է թույլ տա մեզ թուլանալ, մեր ակտիվությամբ մենք կարող ենք վերջ տալ ատելությանը և ագրեսիային
Մենք հասկանում ենք, որ երեկվա իրադարձություններից հետո «Միացյալ ազգային շարժումը» և դրա արբանյակները լուծարվել են, բայց դա չպետք է թույլ տա մեզ թուլանալ, մեր ակտիվությամբ մենք կարող ենք վերջ տալ ատելությանը և ագրեսիային,- այս մասին մամուլի ասուլիսի ընթացքում է հայտարարել է «Վրացական երազանքի» Թբիլիսիի քաղաքապետի թեկնածու Կախա Կալաձեն:
Նրա խոսքով, այսօր Վրաստանի յուրաքանչյուր քաղաքացու համար կարեւոր օրն է: Միաժամանակ, ըստ Կալաձեի, այսօր թբիլիսցիները որոշում կկայացնեն, թե ինչպիսի քաղաքում են ցանկանում ապրել:
«Երկու ամիս շարունակ մենք թբիլիսցիներին ծանոթացնում էինք մեր տեսլականի և ծրագրերի մասին, թե ինչ է արվելու Թբիլիսիում առաջիկա չորս տարիների ընթացքում, ինչպես է գեղեցկացնելու քաղաքը, ինչպես ենք ավելի շատ կյանք հաղորդելու Թբիլիսիի բոլոր շրջաններին և, ընդհանրապես, ինչպես ենք պատկերացնում մայրաքաղաքը առաջիկա չորս տարիների ընթացքում, ինչ նախագծեր կիրականացվեն: Մենք վստահ ենք, որ այն, ինչ մենք արել ենք չորս տարի և անելու ենք հաջորդ չորս տարիներին, շատ ամուր հիմք կդառնա Թբիլիսիում մեր թիմի հաղթանակի համար:
Մեկ անգամ եւս հիշեցնեմ, որ այս ընտրությունները լուրջ քաղաքական նշանակություն ունեն: Մենք հասկանում ենք, որ երեկվա իրադարձություններից հետո «Ազգային շարժումն» ու նրա արբանյակները լուծարվել են: Այնուամենայնիվ, սա չպետք է թույլ տա մեզ հանգստանալ: Այսօր, մեր առավելագույն ակտիվությամբ կարող ենք վերջ դնել բևեռացմանը, ատելությանը և ագրեսիային վրացական քաղաքականության և հասարակության մեջ:
Ավելի քան 150 հազար թբիլիսցի արդեն կատարել է իր ընտրությունը: Շնորհակալ եմ նրանցից յուրաքանչյուրին՝ իրենց բարձր քաղաքացիական պատասխանատվության համար: Միաժամանակ, ավելի մեծ ակտիվություն է անհրաժեշտ ընտրություններն ավարտելու համար այն արդյունքով, որն առավել անհրաժեշտ է մեր երկրի և մայրաքաղաքի զարգացման և վերակառուցման համար»,- ասաց Կախա Կալաձեն:
