Գորիի քաղաքապետարանի Էրգնեթի գյուղի մոտ նախօրեին օկուպացիոն ռեժիմի կողմից ապօրինի բերման ենթարկված երկու քաղաքացիներ Ռոման Գոչաշվիլին և Գոչա Մետրևելին շարունակում են մնալ օկուպանտների գերության մեջ: Նրանք գտնվում են օկուպացված Ցխինվալիի ժամանակավոր կալանավայրում:

Օկուպացված Ցխինվալիից ոչ ոք չի կապվել ձերբակալվածների ընտանիքների հետ, ոչ էլ տուգանք պահանջել «սահմանը» հատելու համար: Ընտանիքները լրացուցիչ տեղեկություններ չունեն:

«Մենք լրացուցիչ ոչինչ չգիտենք: Ցխինվալիից ոչ ոք մեզ հետ չի կապվել կամ տուգանք չի պահանջել: Ոստիկանությունը նույնպես մեզ ոչինչ չի ասում: Երեկ մեզ ասացին, որ այսօր կազատեն, և մենք սպասում ենք», – ասում է կալանավոր Գոչա Մետրևելիի մայրը՝ Թամար Գոգիձեն:

Վերոհիշյալ անձանց հետ անօրինական կալանքի ժամանակ տուժածը Նիկոլոզ Փեխշիշվելաշվիլին բուժումը շարունակում է կլինիկայում: Նա Գորիի զինվորական հոսպիտալից տեղափոխվել է Թբիլիսիի վրաց-հոլանդական կլինիկա:

Օկուպացիոն ռեժիմը Էրգնեթի գյուղին հարակից տարածքից առեւանգել է Վրաստանի երեք քաղաքացու: Ռուսական զինված ուժերը ընդհանուր առմամբ հետապնդել են Վրաստանի չորս քաղաքացու, նրանցից մեկը փախուստի է դիմել, երեք ձերբակալվածներից մեկը ընկել է բարձրությունից և վիրավորվել: Տուժածին երեկ հանձնել են կենտրոնական իշխանությանը:

Ձերբակալվածներին ազատ արձակելու վերաբերյալ բանակցություններ են ընթանում ԵՄ թեժ գծի միջոցով: