Երեւանում կայացել է վրաց-հայկական խորհրդարանների արտաքին հարաբերությունների հանձնաժողովների համատեղ նիստը
Արտաքին հարաբերությունների հանձնաժողովի նախագահ Նիկոլոզ Սամխարաձեն և հանձնաժողովի անդամները պաշտոնական այցով գտնվում են Հայաստանի մայրաքաղաքում։ Երևանում կայացել է վրաց-հայկական խորհրդարանների արտաքին հարաբերությունների հանձնաժողովների տարեկան համատեղ նիստը, որին մասնակցել են Հայաստանի Ազգային ժողովի արտաքին հարաբերությունների մշտական հանձնաժողովի նախագահ Սարգիս Խանդանյանը և Վրաստանի արտաքին հարաբերությունների հանձնաժողովի նախագահ Նիկոլոզ Սամխարաձեն։
Նիստի շրջանակներում քննարկվել են Վրաստանի և Հայաստանի միջև ռազմավարական գործընկերությունը և առկա համագործակցությունը։ Նրանք ընդգծել են խորհրդարանական մակարդակով հարաբերությունների զարգացման համար նոր ձևաչափերի կարևորությունը։
Կողմերը խոսել են տարածաշրջանային անվտանգության խնդիրների, առկա մարտահրավերների, Վրաստանի օկուպացված շրջաններում ստեղծված բարդ իրավիճակի մասին։ Վրացական կողմը գործընկերներին տեղեկատվություն է տրամադրել Վրաստանում նախատեսված խորհրդարանական ընտրությունների և նախընտրական միջավայրի մասին։
Նիկոլոզ Սամխարաձեն շնորհակալություն է հայտնել իր գործընկերոջը «Աբխազիայից և Ցխինվալի շրջանից/Հարավային Օսեթիայից, Վրաստան ներքին տեղահանվածների և փախստականների կարգավիճակի մասին» ՄԱԿ-ի բանաձևին Հայաստանի աջակցության համար և պատրաստակամություն հայտնել օգնել Հայաստանին Եվրամիությանը մերձենալու ճանապարհին և կիսել երկրի փորձը ասոցացման համաձայնագրի իրականացման հետ կապված։
Հայաստանի Ազգային ժողովի արտաքին հարաբերությունների մշտական հանձնաժողովի նախագահը Վրաստանի խորհրդարանի պատվիրակության անդամներին տեղեկացրել է Հայաստանում ընթացող գործընթացների, Հայաստանի ու Ադրբեջանի հարաբերությունների մասին։
«Երևանում կայացել է վրաց-հայկական խորհրդարանների արտաքին հարաբերությունների հանձնաժողովների տարեկան նիստը, որտեղ խոսվել է երկու երկրների միջև սերտ բարեկամական հարաբերությունների և ռազմավարական գործընկերության մասին։ Մենք ընդգծեցինք, որ մեր միջև առկա հարաբերությունները գտնվում են ամենաբարձր մակարդակի վրա և պայմանավորվեցինք խորհրդարանական հարաբերությունների հետագա ամրապնդման շուրջ»,- ասել է Նիկոլոզ Սամխարաձեն։
Վրացական պատվիրակությունը գլխավորում է արտաքին հարաբերությունների հանձնաժողովի նախագահ Նիկոլոզ Սամխարաձեն։ Պատվիրակության անդամներն են՝ Մարիամ Լաշխին՝ արտաքին հարաբերությունների հանձնաժողովի նախագահի առաջին տեղակալ, Մշակույթի հանձնաժողովի նախագահի առաջին տեղակալ, արտաքին հարաբերությունների հանձնաժողովի անդամ Իրակլի Մեզուրնիշվիլին և շրջակա միջավայրի պահպանության և բնական ռեսուրսների կոմիտեի նախագահի առաջին տեղակալ Խատիա Ծիլոսանին։
Տեղեկությունը տարածում է Վրաստանի խորհրդարանի մամուլի ծառայությունը։
