Դատախազության ներկայացրած ապացույցների հիման վրա, Թբիլիսիի երդվյալ ատենակալների դատարանը կնոջ նկատմամբ սիստեմատիկ ֆիզիկական և հոգեբանական բռնության մեջ մեղադրյալին մեղավոր է ճանաչել։

Մեղադրող կողմի տվյալներով՝ դատական նիստի ժամանակ մեղադրող կողմի կողմից ներկայացրած ապացույցներով պարզվել է, որ Ջ.Ց.-ն տարիներ շարունակ ֆիզիկական և հոգեբանական բռնության է ենթարկել կնոջը։ Նաև անչափահաս երեխաների ներկայությամբ մի քանի անգամ դաժան ծեծի է ենթարկել հղի կնոջը և տարբեր կերպ նվաստացրել։

«Դատական նիստի ընթացքում դատախազները հարցաքննել են տուժողին և տասնյակ վկաներ, հետազոտել են դատաբժշկական փորձաքննության եզրակացությունը, ըստ որի՝ տուժողի մոտ տարբեր ծանրության վնասվածքներ են հայտնաբերվել։ Պարզվել է նաև, որ մեղադրյալի նկատմամբ նախկինում երկու անգամ հրապարակվել էր խափանման:

Երդվյալ ատենակալների կողմից կայացված մեղադրական դատավճռի հիման վրա դատարանը մեղադրյալին մեղավոր է ճանաչել Քրեական օրենսգրքի 11 պրիմա, 126-րդ հոդվածի 2-րդ մասի «Բ» և «Կ» ենթակետերով (անչափահասի ներկայությամբ մեղադրյալի կողմից նախապես իմացությամբ հղի կնոջը սիստեմատիկ ծեծի ենթարկել կամ այլ հոգեկան տառապանքի պատճառում) և Քրեական օրենսգրքի 126-րդ պրիմա հոդվածի երկրորդ և երրորդ մասերով (անչափահասի ներկայությամբ, ընտանեկան բռնություն հղի կնոջ նկատմամբ, համակարգված բռնություն, շանտաժ կամ նվաստացում, որը պատճառել է ֆիզիկական ցավ կամ տառապանք) և որպես պատիժ սահմանել է հինգ տարով ազատազրկում»,- ասվում է տեղեկատվության մեջ: