Դատախազության ներկայացրած ապացույցների հիման վրա երդվյալ ատենակալները միաձայն մեղադրյալին մեղավոր են ճանաչել սեռով պայմանավորված մարդկանց իրավահավասարությունը խախտելու, խմբով նվաստացնող վերաբերմունքի և ապօրինի ազատությունից զրկելու մեջ։

Դատախազության տվյալներով՝ երդվյալ ատենակալներն ամբողջությամբ ընդունել են մեղադրող կողմի ներկայացրած ապացույցները և հաստատված համարել, որ մեղադրյալը մյուս հանցակիցների հետ ենթադրել է, որ տուժողը կնոջ համար անպատշաճ վարքագիծ է թույլ տվել, ինչի պատճառով էլ 2014 թվականի սեպտեմբերի 16-ին, Լամբալո գյուղում բռնությամբ նստեցրել են մեքենա և տարել գյուղի կենտրոն, որտեղ տուժողին ենթարկել են բանավոր և ֆիզիկական բռնության։

«Վերոնշյալից հետո մեղադրյալը և նրա հանցակիցները գյուղացիների ներկայությամբ ֆիզիկական և բանավոր բռնության են ենթարկել տուժողին և նվաստացուցիչ խոսքերով դիմել նրան։

Ամբաստանյալի եւ նրա հանցակիցների գործողությունները բարոյական տառապանք են պատճառել տուժողին, ով 2014 թվականի սեպտեմբերի 18-ին ինքնասպանություն է գործել։

Մեղադրյալին մեղադրանք է առաջադրվել Քրեական օրենսգրքի 144-րդ հոդվածի երկրորդ մասի «ե» և «զ» ենթակետերով և 143-րդ հոդվածի երկրորդ մասի «գ» և երրորդ մասի «ա» ենթակետերով:

Երդվյալ ատենակալների կողմից կայացված մեղադրական դատավճռի հիման վրա դատարանը մեղադրյալին դատապարտել է ութ տարվա ազատազրկման։ Ինչ վերաբերում է մեղադրյալի չորս հանցակիցներին, ապա Թբիլիսիի քաղաքային դատարանը նրանց նկատմամբ մեղադրական դատավճիռ է կայացրել 2023 թվականի հունվարի 9-ին»,- նշվում է տեղեկատվության մեջ։