Ենս Ստոլտենբերգ. Ես ողջունում եմ Վրաստանի խորհրդարանի կողմից օրինագծի տապալումը, կոչ եմ անում քաղաքական առաջնորդներին միասին աշխատել անհրաժեշտ բարեփոխումների ուղղությամբ
ՆԱՏՕ-ի գլխավոր քարտուղար Ենս Ստոլտենբերգի խոսքով՝ ինքը ողջունում է «Օտարերկրյա ազդեցության թափանցիկության մասին» օրենքի նախագիծը հետ կանչելու որոշումը։
Ինչպես ասել է Ստոլտենբերգը 2022 թվականի ամփոփ զեկույցը ներկայացնելիս հարցին ի պատասխան՝ նա Վրաստանի քաղաքական առաջնորդներին կոչ է անում միասին աշխատել անհրաժեշտ բարեփոխումների ուղղությամբ։
«Ես ողջունում եմ Վրաստանի խորհրդարանի որոշումը՝ հետ կանչելու կամ տապալելու օտարերկրյա գործակալների և ազդեցության մասին օրենքի նախագիծը, քանի որ այն անհամատեղելի է եվրատլանտյան արժեքներին և հիմնարար ազատությունների պաշտպանությանը։ Այնպես որ, ես ողջունում եմ, որ նախաձեռնությունը հետ է կանչվել, իսկ խորհրդարանը չի աջակցել։ Ես կոչ եմ անում Վրաստանի քաղաքական առաջնորդներին միասին աշխատել անհրաժեշտ բարեփոխումների վրա, և, իհարկե, ՆԱՏՕ-ն աշխատում է նաև Վրաստանի կառավարության հետ՝ իրականացնելու այդ բարեփոխումները»,- նշել է Ենս Ստոլտենբերգը։