ՆԱՏՕ-ի գլխավոր քարտուղարը վստահ է Ուկրաինայի հաղթանակում։ Ենս Ստոլտենբերգի խոսքով՝ ՆԱՏՕ-ն օգնություն կտրամադրի Ուկրաինային այնքան ժամանակ, քանի դեռ դա անհրաժեշտ կլինի։
Այս մասին գլխավոր քարտուղարը խոսել է Ուկրաինայի Անկախության օրվա առթիվ տեսաուղերձում։
Նրա խոսքով, Դաշինքը աջակցում է Ուկրաինային Անկախության օրվանից, և այդ աջակցությունն էլ ավելի է ուժեղացել Ուկրաինա Ռուսաստանի անօրինական ներխուժումից հետո։
«Ուժեղ, անկախ Ուկրաինան կենսական նշանակություն ունի եվրատլանտյան տարածքի համար։ Ուկրաինան պետք է հաղթի, և Ուկրաինան կհաղթի»,- ասել է Ստոլտենբերգը։