ՆԱՏՕ-ն, ինչպես դաշնակիցները, պարտավոր են պաշտպանել միմյանց, բայց մենք նաև պարտավոր ենք ապահովել, որ մեր ամենամոտ գործընկերները, հատկապես նրանք, ովքեր առավել խոցելի են ռուսական ագրեսիայի համար, ինչպիսին Վրաստանն է, որն արդեն իսկ 2008 թվականին ենթարկվել է ռուսական ագրեսիայի, ունենան մեր աջակցությունը: Այս մասին հայտարարել է ՆԱՏՕ-ի գլխավոր քարտուղար Ենս Ստոլտենբերգը։

Նրա խոսքով՝ ՆԱՏՕ-ն պետք է օգնի իր գործընկերներին ապահով զգան իրենց։

«Ես խորապես հավատում եմ, որ քանի դեռ չենք հասել, որ այդ երկրները լինեն ՆԱՏՕ-ի լիիրավ անդամներ, մենք պետք է նրանց գոնե զգալի օգնություն ցուցաբերենք։ Ուկրաինայի պատերազմից գլխավոր դասն այն է, որ մենք պետք է ավելի ու ավելի շուտ օգնեինք Ուկրաինային։ Ես ուզում եմ գովաբանել դաշնակիցներին, ովքեր օգնում են Ուկրաինային 2014 թվականից։ ՆԱՏՕ-ն նաև աջակցություն է ցուցաբերել Ուկրաինային՝ ուսուցում, կարողությունների զարգացում, բայց ՆԱՏՕ-ն կարող էր ավելին անել Ուկրաինայի համար մինչև ռուսական ներխուժումը: Ճիշտ նույնը վերաբերում է Վրաստանին և այն երկրներին, որոնք մեր մերձավոր գործընկերներն են։ Օրինակ, հիշում եմ, երբ 2015 թվականին եկա Լվով, մասնավորապես Յավորիվ, և տեսա, թե ինչպես են ԱՄՆ-ը, Կանադան և Մեծ Բրիտանիան ինտենսիվ մարզում ուկրաինացի զինվորականներին, այդ զորավարժությունները չափազանց կարևոր էին։ Ուստի ավելի շատ աջակցություն է անհրաժեշտ Վրաստանի, Մոլդովայի և ռիսկի տակ գտնվող այլ գործընկերների համար: Այս օգնությունն այժմ անհրաժեշտ է: Սա Ուկրաինայի դասն է: Դուք պետք է օգնեք ինձ, քանի որ մեզ նույնպես գումար է պետք ձեր խորհրդարաններից»,- ասել է Ստոլտենբերգը։