Եմենի շիա հութիները Ադենի ծոցում հարձակվել են ԱՄՆ ռազմածովային ուժերի Louis Pooler նավի վրա
Եմենի շիա «հութիները» Ադենի ծոցում հարձակվել են ԱՄՆ ռազմածովային ուժերի «Լուիս Փուլեր» նավի վրա։ «Հութիների» տրամադրած տեղեկատվության համաձայն՝ հունվարի 28-ի գիշերը նավի վրա հրթիռ է արձակվել։
Հութիները պնդում են, որ թիրախային նավի առաքելությունը Եմենի դեմ ագրեսիային մասնակցող ամերիկյան ուժերին նյութատեխնիկական աջակցություն տրամադրելն է։
Հութիների հայտարարության համաձայն՝ Եմենի զինված ուժերի գործողությունը Եմենի պաշտպանությանն ուղղված ռազմական միջոցառումների մաս է կազմում, ինչպես նաև հաստատում է ճնշված պաղեստինյան ժողովրդին աջակցելու որոշումը։
Եմենի զինված ուժերը հաստատում են, որ Եմենը կարգելափակի իսրայելամետ նավերը, քանի դեռ ագրեսիան չի ավարտվել և Գազայի շրջափակումը չեղարկվի։
«Լյուիս Փուլերը» ԱՄՆ ռազմածովային ուժերի Էքսպեդիցիոն շարժական բազայի առաջին նավն է, որը շահագործման է հանձնվել 2017 թվականին Բահրեյնում։