Արդեն 4-րդ օրն է «Դրոայի» առաջնորդ Էլենե Խոշտարիան խորհրդարանում հացադուլ է անում: Նա չի բացառում բողոքի ձեւի սրումը: Նրա խոսքով, ինքը պատրաստվում է շարունակել բողոքի ակցիան այնքան ժամանակ, քանի դեռ Միխեիլ Սաակաշվիլիին չեն տեղափոխել բազմապրոֆիլ կլինիկա։

Ըստ Էլենե Խոշտարիայի, այսօր իր մոտ է եղել «Արդի» ապահովագրական ընկերության խմբի ընտանեկան բժիշկը, ով նրա առողջական վիճակը գնահատել է բավարար։ Միաժամանակ բժիշկ Մաիա Ցաավան խորհուրդներ է տվել հացադուլ անողին։ Ըստ Խոշտարիայի, իրեն այցելել է նաև «Վրացական երազանքի» ներկայացուցիչը, որը ձեռնպահ է մնացել նրա ինքնությունը բացահայտելուց։

«Իհարկե է, ես շարունակելու եմ բողոքել այնքան ժամանակ, քանի դեռ չենք հասել նպատակին և խուսափել երկրին սպառնացող անախորժություններից։ Բժիշկների եզրակացությունները մտահոգիչ են, և այստեղ գլխավորը բժիշկների դիրքորոշումն է, ովքեր ասում են, որ պետք է տեղափոխել կլինիկա։ Որոշ ժամանակ անց, եթե իշխանությունը նորից իրեն անխոհեմ պահի, և սպառնալիքը շատանա, ապա մտածում եմ բողոքի ձևը սրելու մասին, իսկ թե ինչպես կլինի, հետո կասեմ։ Այստեղ էր Կախա Կուճավան, Դավիթ Զիլֆիմիանին, երեկ այցելել էր նաև «Երազանքի» ներկայացուցիչներից մեկը, ուղղակի չգիտեմ՝ նա ուզում է արդյոք, որ ես դա հրապարակավ ասեմ»,- ասաց Էլենե Խոշտարիան։

Միաժամանակ Էլենե Խոշտարիան մեկնաբանել է Վրաստանի արդարադատության նախարար Ռատի Բրեգաձեի երեկվա հայտարարությունը, որտեղ նախարարն ասել է, որ «Միխեիլ Սաակաշվիլին դեռ ստանում է շիլա, բնական հյութեր, և դա հիմնված է ապացույցների վրա»։

«Հացադուլի բազմաթիվ ձևեր կան: Երբ պայքարում ես իշխանության դեմ, որը չի արձագանքում հացադուլին, բուժում չի տրամադրում, շատ կարևոր է Միխեիլ Սաակաշվիլիի դեպքում շարունակել բողոքը, ընդունել որոշ հավելումներ և վիտամիններ, դա շատ ճիշտ է։ Հակառակ դեպքում նա այժմ իրականում ողջ չէր լինի։ Նման ձեւն ընդունված է ամբողջ աշխարհում, այն երկարացնում է հացադուլի ընթացքը։ Ես բանտում չեմ, չգիտեմ, գիտեմ, որ առողջական խնդիր ունի։ Ես պատկերացում չունեմ, թե արդյոք նա ընդունում է շիլա, բայց հավելումներ ընդունելը բացարձակ նորմալ ձև է, պարզապես պետք է դա իմանալ: Հացադուլի տարբեր ձևեր կան: Սկսած չորից, որոշակի հավելումներ ընդունելով։ Երբ բանտում ես, պետք է գործընթացը երկարացնես։ Այն, ինչ խոսում են ստամոքսի վիրահատության մասին, դա կեղծ է»,- ասաց Էլենե Խոշտարիան։