Եկամուտների ծառայությունը պարզաբանում է, թե որ ծառայությունները հասանելի կլինեն օգոստոսի 28-ին
Ֆինանսների նախարարության եկամուտների ծառայության փոխանցմամբ՝ օգոստոսի 28-ին մաքսային անցակետերը, Սանիտարական, ֆիտոսանիտարական և վետերինարական վերահսկողության վարչության սահմանային տեսչության բաժինները և Մաքսային տարանցման վարչությունը (հեռախոսային կապի, չաթի և այլ հեռավար ուղիների միջոցով շահագրգիռ անձին մաքսային ընթացակարգի հետ կապված մաքսային ձևակերպման վերաբերյալ տեղեկատվության տրամադրման/դրա կիրառման վերաբերյալ խորհրդատվության մատուցման/մաքսային ընթացակարգի հետ կապված ընթացակարգային հարցերի և ընթացիկ գործընթացների մասին իրազեկման ժամանակ) կշարունակեն գործել սովորական ռեժիմով:
Նրանց տեղեկացմամբ՝ օգոստոսի 28-ին Վրաստանի ողջ տարածքում չեն աշխատի ձևակերպման տնտեսական գոտիները (բացառությամբ ձևակերպման տնտեսական գոտիների ապրանքների ձևակերպման և լոգիստիկայի վարչությունների, «Օդանավակայան» ձևակերպման տնտեսական գոտու փոստային առաքանիների մաքսային վերահսկողության վարչության) և ձևակերպման բաժինները:
«Նշված ամսաթվին մաքսային մարմնի կողմից ծառայությունների մատուցման համար կգործի Վրաստանի կառավարության 2010 թվականի մարտի 30-ի №96 որոշմամբ սահմանված՝ ոչ աշխատանքային ժամերի/ոչ աշխատանքային օրվա համար սահմանված սակագինը:
Ի նկատի ունեցեք նաև, որ 2026 թվականի օգոստոսի 28-ին Վրաստանի ողջ տարածքում չեն աշխատի Ֆինանսների նախարարության եկամուտների ծառայության Սպասարկման դեպարտամենտի սպասարկման կենտրոնները և տեղեկատվական հեռախոսակենտրոնը (2 299 299): Խնդրում ենք հաշվի առնել նշվածը ծառայություններից (այդ թվում՝ էլեկտրոնային) օգտվելիս», – նշված է Եկամուտների ծառայության տարածած հաղորդագրության մեջ: