Անցած ամսվա տվյալներով՝ «Թբիլիսի օդանավակայան», «Քութայիսի օդանավակայան» և «Սադհլո» մաքսակետերում Ֆինանսների նախարարության եկամուտների ծառայության մաքսային ծառայողները, կասկածի հիման վրա օտարերկրյա քաղաքացիներին պատկանող ուղեբեռի, ինչպես նաև նրանց հսկողության տակ գտնվող տրանսպորտային միջոցների մանրամասն զննության արդյունքում, հայտնաբերել են մեծ քանակությամբ չհայտարարագրված գումար, ընդհանուր առմամբ, 296.522 ԱՄՆ դոլար, 1.300 ռուսական ռուբլի, 240 տաջիկական սոմոն, 780 չինական յուան, 198.000 ղազախական տենգե և 550 ղրղզական սում: Այս մասին տեղեկություն է տարածում Եկամուտների ծառայության մամուլի քարտուղարությունը։

Նրանց տվյալներով՝ չհայտարարագրված գումարի ընդհանուր գումարը, ըստ Ազգային բանկի փոխարժեքի, կազմել է 780 144,43 լարի։

«Վրաստանի մաքսային օրենսգրքի 169-րդ հոդվածի 3-րդ մասի համաձայն՝ օրինախախտ քաղաքացիները որպես պատժամիջոց տուգանվել են ընդհանուր առմամբ 78 014 443 լարիով (գումարից 10%-ը)։

Վրաստանի մաքսային օրենսգրքի 169-րդ հոդվածի 3-րդ մասի համաձայն՝ չհայտարարագրված ապրանքների առգրավումը որպես պատժամիջոց է սահմանվել օտարերկրյա երկրի օրինախախտ քաղաքացու նկատմամբ, ով երկրի սահմանով մաքսանենգ ճանապարհով տեղափոխել է 197750 ԱՄՆ դոլար։