Եկամուտների ծառայություն. Գործակալության անունից հեռախոսահամարներով կեղծ հաղորդագրություններ են ուղարկվում, իբր սպառողներից ավելորդ հարկեր են գանձվում, քաղաքացիներին հորդորում ենք զգույշ լինել
Ֆինանսների նախարարության եկամուտների ծառայությունից հայտնում են, որ գործակալության անունից տարբեր հեռախոսահամարներով կեղծ հաղորդագրություններ են ուղարկվում։
Եկամուտների ծառայությունը քաղաքացիներին հորդորում է զգույշ լինել կասկածելի հաղորդագրություն ստանալու դեպքում։
«Եկամուտների ծառայությունը հարկ վճարողներին տեղեկացնում է, որ գործակալության անվան տակ տարբեր հեռախոսահամարներով կեղծ հաղորդագրություններ են ուղարկվում այն մասին, որ հաճախորդից գանձվում է հարկերի գերավճար, և որ SMS-ի հեղինակներն առաջարկում են հաճախորդին սեղմել նշված հղման վրա՝ գումարը վերադարձնելու համար։
Եկամուտների ծառայությունը կտրականապես նշում է, որ տարածվող հաղորդագրությունը կեղծ է և կապ չունի գործակալության գործունեության հետ։ Խարդախ սխեմայի հեղինակները փորձում են յուրացնել/օգտագործել քաղաքացիների միջոցները։ Ֆինանսների նախարարության եկամուտների ծառայությունը քաղաքացիներին հորդորում է զգույշ լինել նման կասկածելի հաղորդագրություններ ստանալու դեպքում և հնարավորինս սահմանափակել անձնական տեղեկատվության տարածումը։ Տեղեկացնում ենք, որ հարկային մարմնի գրավոր որոշումը/ծանուցումը ձեռնարկատիրոջը էլեկտրոնային եղանակով ուղարկվում է միայն «Վրաստանի փոստ»-ի կամ նրա լիազորված կայքի կողմից՝ ընթացակարգերի լրիվ պահպանմամբ»,- ասված է Եկամուտների ծառայության հաղորդագրության մեջ։