Ցանկանում եմ շնորհավորել և խրախուսել Վրաստանին, որ նա անհրաժեշտ քայլեր է ձեռնարկում ԵՄ-ին անդամակցելու ուղղությամբ, մենք սատարում ենք դրան, ես կցանկանայի գնահատել խորհրդարանական աշխատանքը և իմ աջակցությունը հայտնել այն բարեփոխումներին, որոնք դուք իրականացնում եք,- ասել է ԵԱՀԿ Խորհրդարանական վեհաժողովի նախագահ Պիա Կաուման՝ Վրաստանի խորհրդարանում:

Ինչպես հայտարարել է Պիա Կաուման Վրաստանի խորհրդարանի նախագահ Շալվա Պապուաշվիլիի հետ հանդիպումից հետո համատեղ ճեպազրույցում, ինքը սատարում է Վրաստանի կողմից իրականացվող բարեփոխումները։

«Երբ խոսում ենք ընտրությունները դիտորդելու մասին, ինչպես գիտեք, ԵԱՀԿ խորհրդարանական առաքելությունը երբեմն դիտորդական առաքելություն է իրականացնում, մենք դա արել ենք նաև նախորդ ընտրություններում, և հուսով եմ, որ մեզ կհրավիրեք նաև հաջորդ տարի, երբ կլինեն խորհրդարանական ընտրություններ։ Նաև ցանկանում եմ մեր լիակատար աջակցությունը հայտնել Վրաստանի ժողովրդավարական, տնտեսական զարգացմանը, տարածքային ամբողջականությանը և միևնույն ժամանակ նշել, որ դուք ունեք շատ որոշիչ տարածաշրջան Հարավային Կովկասում»,- ասել է Կաուման։