Վրաստանը Ամերիկայի Միացյալ Նահանգներից գնելու է աշխարհում հայտնի հակատանկային համակարգ:
Javelin համակարգերի գնման կապակցությամբ բանակցությունները մոտենում են ավարտին: Այսօր հայտնի է դարձել, որ ԱՄՆ-ի պետքարտուղարությունը աջակցել է այս գործարքին: Խոսքը վերաբերում է 75 մլն. դոլար արժեք ունեցող ռազմական տեխնիկային:
Նշենք, որ Javelin համակարգը Վրաստան էր բերվել 2017 թվականի սեպտեմբերին «Արժանի գործընկեր» զորավարժությունների շրջանակներում:
«Երկաթե նիզակակոթ» – Javelin-ը աշխարհում ամենահայտնի մոբիլ հակատանկային հրթիռային համակարգ է: Նա ոչնչացնում է բոլոր տեսակի ծանր տեխնիկան, ինչպես նաև օգտագործվում է ցածր բարձրության վրա թռչող սարքերը խոցելու համար:
Javelin-ը Ամերիկայի Միացյալ Նահանգների բանակում հայտնվել է 1996 թվականին: Նշված համակարգը այս պահին ակտիվ օգտագործում են Իրաքում և այլ թեժ կետերում:
Javelin-ի հրթիռը կազմված է դասական աէրոդինամիկ սխեմայով: Արձակելու ժամանակ նրա մոտ բացվում են թևերը: Հրթիռը հագեցած է ինքնանշանառման ինֆրակարմիր լույսերով: Որպես կանոն նրանով օգտվելու համար հարկավոր է նվազագույնը երկու մարդ: Չնայած պետք լինելու դեպքում հրթիռը հնարավոր է արձակել նաև միայնակ:
Javelin-ի առավելույթուններն են.
- Հրթիռը կարելի է արձակել նույնիսկ վատ եղանակային պայմաններում և գիշերային ժամերին.
- Ինքնանշանառման համակարգին պետք չէ լուսավորում.
- Հրթիռով հնարավոր է խոցել տանկի ամենաթույլ տարածքը՝ տանիքը.
- Նրա օգտագործումը հնարավոր է իրականացնի մեկ զինվորական.
- Արձակման շարժիչը և արձակման թեթև համակարգը հնարավորություն է տալիս այն օգտագործել շինություններից.
- Արձակող և կառավարող բլոկերի օգտագործումը հնարավոր է նաև առանձին՝ հետախուզության նպատակով.
2013 թվականի տվյալներով մեկ համակարգի արժեքը 100 000 դոլար է, իսկ արձակող բլոկի գինը 126 000 :
