Խորվաթիայի խորհրդարանի եվրոպական հարցերի հանձնաժողովի նախագահը և խորհրդարանական պատվիրակության անդամները գտնվում էին Օձիսի գյուղի՝ օկուպացիոն գծի մոտ։

Վրաստանի խորհրդարանի տեղեկատվության համաձայն, եվրոպացի օրենսդիրները Ռուսաստանի Դաշնության կողմից իրականացված օկուպացիայի արդյունքների մասին տեղեկություն են լսել խորհրդարանի եվրոպական ինտեգրման հանձնաժողովի փոխնախագահ Նինո Իոբաշվիլիից և Պետության անվտանգության ծառայության ներկայացուցիչից։

«Խորվաթիայի խորհրդարանական պատվիրակությունը ցանկություն է հայտնել սեփական աչքերով տեսնել, թե ինչ իրավիճակ է օկուպացիոն գծում և ծանոթանալ օկուպացիայի ծանր հետևանքներին, որ ապրում է մեր բնակչությունը օկուպացված շրջաններում։ Մենք մեր գործընկերներին տեղեկացրել ենք, որ անօրինական «սահմանազատման» գործընթացը և ռուսական օկուպացիոն ուժերը շարունակում են հալածել մեր բնակչությանը: Խոսքը ազգամիջյան խտրականության, որոշ դեպքերում՝ քաղաքացիական անձանց առևանգումների մասին է։ Բնակչությունը գտնվում է հումանիտար ծանր պայմաններում, իրավիճակը տեղում բավականին ծանր է, և այս իրավիճակում չափազանց կարևոր է մեր միջազգային գործընկերների աջակցությունը։ Խորվաթ գործընկերները ևս մեկ անգամ իրենց աջակցությունն են հայտնել մեր երկրի ինտեգրմանը Եվրամիությանը և Վրաստանի տարածքային ամբողջականությանն ու ինքնիշխանությանը»,- ասել է Նինո Իոբաշվիլին։