Խորվաթիան միշտ աջակցել է Ուկրաինային քաղաքական, դիվանագիտական, իրավական, ֆինանսական, հումանիտար և տեխնիկապես, և մենք կշարունակենք դա անել, – այս մասին հայտարարել է Խորվաթիայի վարչապետ Անդրեյ Պլենկովիչը, Ուկրաինայի նախագահի հետ մամուլի ասուլիսի ժամանակ։

Նրա խոսքով՝ Խորվաթիան մեծապես գնահատում է ուկրաինացի ժողովրդի տոկունությունն ու խիզախությունը։

«Խորվաթիան մշտապես աջակցել է Ուկրաինային քաղաքական, դիվանագիտական, իրավական, ֆինանսական, հումանիտար և տեխնիկապես։ Մենք շարունակելու ենք տրամադրել այս օգնությունը։ Մենք հստակ գիտակցում ենք, որ դա անում ենք որպես մի երկիր, որը միշտ համոզված է եղել, որ մենք ճիշտ կողմում ենք, էթիկապես ճիշտ կողմում: Մենք աջակցել ենք պատժամիջոցների նախորդ հինգ փաթեթներին և այժմ համագործակցում ենք նաև վեցերորդ փաթեթի շուրջ»,- ասել է Պլենկովիչը։