Խորհրդարանն ընդունել է «Վրաստանի քաղաքացիության մասին» օրենքում փոփոխություն, որը պարզեցնում է քաղաքացիություն ստանալու կարգը
Վրաստանի քաղաքացիություն ստանալու կարգը պարզեցված է: Խորհրդարանը երրորդ ընթերցմամբ՝ 84 ձայնով, միաձայն ընդունել է «Վրաստանի քաղաքացիության մասին» օրգանական օրենքում փոփոխությունը, որի նպատակն է կատարելագործել և պարզեցնել քաղաքացիության կարգը։
Արդարադատության նախարարության տեղեկատվության համաձայն՝ գերատեսչության կողմից պատրաստված օրենքի նպատակն է նպաստել արտերկրում ապրող հայրենակիցների հայրենիքի հետ սերտ կապերի պահպանմանն ու զարգացմանը։
Փոփոխությունների իրականացումից հետո.
- Վրաստանի քաղաքացիություն ստանալ ցանկացող անձը պետք է հանձնի քննությունը՝ նախքան պետական ծառայությունների զարգացման գործակալություն քաղաքացիություն տրամադրելու դիմում ներկայացնելը. Անբավարար արդյունքի դեպքում գերատեսչությունը այլևս չի սկսի քաղաքացիության տրամադրման պաշտոնական ընթացակարգերը՝ այդպիսով խնայելով ինչպես քաղաքացիների, այնպես էլ գերատեսչության ժամանակն ու ռեսուրսները.
- Քննությունում ձախողվելու դեպքում անձը իրավունք կունենա վերահանձնել քննությունը առանց սահմանափակման։ Երբ քննությունն ավարտվի, դրա արդյունքները կգործեն մեկ տարի.
- Վրաստանի քաղաքացիություն ստանալու դիմումի վերաբերյալ վերջնական բացասական որոշման դեպքում քաղաքացիության տրամադրման ընթացակարգի վերսկսման ժամկետը մեկ տարուց կնվազի մինչև վեց ամիս.
- Քաղաքացիություն չունեցող անձանց քաղաքացիություն ստանալու համար Վրաստանում բնակության տասնամյա ժամկետը կնվազի մինչև հինգ տարի՝ դրանով իսկ ամբողջությամբ կատարելով ՄԱԿ-ի փախստականների հարցերով գերագույն հանձնակատարի առջեւ ստանձնած պարտավորությունը։