Խորհրդարանն այս շաբաթ կլսի Պետական անվտանգության ծառայության պետին և կրթության նախարարին
Խորհրդարանն ընթացիկ նստաշրջանում կլսի Պետական անվտանգության ծառայության պետին և կրթության նախարարին։ Հունիսի 12-ին նախատեսված է ՊԱԾ-ի հաշվետվության քննարկումը, իսկ հունիսի 13-ին՝ կրթության նախարարի լսումները։
Այս մասին Բյուրոյի նիստում հայտարարել է Վրաստանի խորհրդարանի նախագահ Շալվա Պապուաշվիլին։
«Վաղը կունենանք օրինագծերի, քաղաքական հայտարարությունների քննարկում։ Նաև չորեքշաբթի օրը կլինեն օրինագծեր և քվեարկություն։ Բացի այդ, հունիսի 12-ին կլսենք Պետական անվտանգության ծառայության հաշվետվությունը։ Իսկ հինգշաբթի օրը կունենանք արագացված օրինագծերի երկրորդ և երրորդ ընթերցումը և կրթության նախարարի ժամը։ Ուրբաթ օրը, ելնելով այս օրակարգից, կարծես թե մենք նստաշրջան չենք ունենա»,- ասել է Պապուաշվիլին։