Վրաստանի խորհրդարանի նախագահ Շալվա Պապուաշվիլին պատգամավորների հետ միասին եղել է Հանրապետության հրապարակում, որտեղ Սուրբ Ծննդյան նվերներ է հանձնել Ալիլոյի մասնակիցներին։

Խորհրդարանի մամուլի ծառայության փոխանցմամբ՝ Շալվա Պապուաշվիլին հերթական անգամ շնորհավորել է ուղղափառ աշխարհի այն մասին, որը հունվարի 7-ին նշում է Սուրբ Ծնունդը։

«Շնորհավորում եմ բոլոր ուղղափառ քրիստոնյաներին, ովքեր նշում են Սուրբ Ծնունդը հունվարի 7-ին, մաղթում եմ առողջություն, երջանկություն ընտանիքում և ունենալ այն ուրախությունը, որ մեզ տալիս են նման օրերը։ Հատկապես ուզում եմ շնորհավորել արտերկրում և մեր օկուպացված տարածքներում ապրող իմ հայրենակիցներին»,- ասաց խորհրդարանի նախագահը։

Համաշխարհային համաճարակի պատճառով Թբիլիսիի փողոցներում ավանդական Ալիլոյի երթը չի անցկացվում։ Հավաքված նվերներն ու քաղցրավենիքները կբաժանվեն մանկատներին, ծերանոցներին և քրեակատարողական հիմնարկներին։