Աշխատանքային այցով Պորտուգալիայի Հանրապետությունում գտնվող խորհրդարանի նախագահ Շալվա Պապուաշվիլին և խորհրդարանական պատվիրակության անդամները Լիսաբոնում հանդիպում են ունեցել վրացական սփյուռքի ներկայացուցիչների հետ։

Հանդիպմանը պատվիրակության անդամները խոսել են սփյուռքի կազմակերպությունների նկատմամբ պետության վերաբերմունքի և կառավարության կողմից իրականացվող ծրագրերի մասին։

«Մենք ունենք շատ ուժեղ սփյուռք տարբեր երկրներում, որոնք ոչ միայն կարողանում են օգնել Վրաստանին ու միմյանց, այլեւ կարողանում են արժանապատիվ ներկայացնել Վրաստանն այն երկրներում, որտեղ գտնվում են։ Հանդիպմանը խոսեցինք այն մասին, թե որքան կարևոր է մեր պետության և այս մարդկանց համար սփյուռքի կազմակերպությունների հզորացումը։ Այս պարագայում մեր և Պատրիարքարանի մոտեցումը միանշանակ է՝ մենք հնարավորինս օգնում ենք այստեղ ծնված ու մեծացած երիտասարդներին, որպեսզի նրանք չկորցնեն նույնականացումը իրենց երկրի հետ»,- ասաց Սփյուռքի և Կովկասի հարցերի հանձնաժողովի նախագահ Բեքա Օդիշարիան։

Տեղեկությունը տարածում է Վրաստանի խորհրդարանի մամուլի ծառայությունը։