Խորհրդարանի նախագահը և խորհրդարանական պատվիրակության անդամները Իսպանիայի Թագավորություն կատարած այցի շրջանակներում Մադրիդում հանդիպել են վրացական սփյուռքի ներկայացուցիչների հետ։ Տեղեկությունը տարածում է խորհրդարանի մամուլի ծառայությունը։

Նրանց հաղորդմամբ՝ հանդիպմանը խոսվել է Վրաստանի եվրոպական և եվրատլանտյան ինտեգրման գործընթացի և այդ ճանապարհին ձեռք բերված հաջողությունների մասին։

Խորհրդարանական պատվիրակությունը ներկա է եղել Իսպանիայում բնակվող երիտասարդների մասնակցությամբ միջոցառմանը։

«Մեր կառավարության մոտեցումը – ուժեղ սփյուռք՝ ուժեղ Վրաստանի համար։ Մենք ամեն կերպ փորձում ենք ներգրավել նրանց: Թե՛ Մադրիդում, թե՛ Բարսելոնայում մենք ունենք ուժեղ ծխական համայնքներ և կիրակնօրյա դպրոցներ։ Ուրախ եմ, որ խորհրդարանի նախագահը ցանկություն հայտնեց հանդիպել սփյուռքի հետ։ Պետք է նշել, որ մենք չգրված օրենք ենք դարձրել, որ արտասահմանյան երկրներ այցելելիս պետք է հանդիպենք մեր սփյուռքի ներկայացուցիչների հետ»,- ասաց Սփյուռքի եւ Կովկասի հարցերի հանձնաժողովի նախագահ Բեքա Օդիշարիան։