Վրաստանի խորհրդարանը պաշտոնապես կվերսկսի իր գործունեությունը փետրվարի 7-ից։
Կանոնակարգի համաձայն՝ օրենսդիր մարմինն իր գարնանային նստաշրջանը սկսում է փետրվարի առաջին երեքշաբթի օրը։
Այս տարվա գարնանային նստաշրջանը բավականին հագեցած է լինելու։ Եվրահանձնաժողովի կողմից Վրաստանին տրված հանձնարարականների վերաբերյալ մի քանի որոշումներ ընդունելի են։ Այդ թվում խորհրդարանը պետք է ընտրի ժողովրդական պաշտպան, որի ընտրության գործընթացը օրենսդիր մարմնում անցյալ տարի ձախողվեց, քաղաքական կուսակցությունները չկարողացան պայմանավորվել թեկնածուի շուրջ։
Գարնանային նստաշրջանի շրջանակներում խորհրդարանը սպասում է նաեւ Վենետիկի հանձնաժողովի եզրակացությանը «ապաոլոգարխացման» մասին օրենքի նախագծի վերաբերյալ, որը իշխող թիմն անցյալ տարի ուղարկել է Վենետիկի հանձնաժողով՝ հանձնարարականների համար։
Բացի Եվրահանձնաժողովի հանձնարարականներից, խորհրդարանի գարնանային նստաշրջանում քննարկման առարկա կդառնան պետական գերատեսչությունների զեկույցները։ Այդ թվում՝ վարչապետի, պետական անվտանգության ծառայության, Վրաստանի ազգային բանկի, պետական աուդիտի ծառայության, ինչպես նաև ժողովրդական պաշտպանի։
Գարնանային նստաշրջանի ընթացքում կուսակցությունները հնարավորություն կունենան օգտվել հարցապնդման ձևաչափից, ինչպես նաև լսել կառավարության ներկայացուցիչներին և գնահատել նրանց գործունեությունը։
Ըստ կանոնակարգի՝ գարնանային նստաշրջանը փակվում է հունիսի վերջին։