Խորհրդարանի դիմաց հանրահավաքի ժամանակ քրեական կարգով ձերբակալված Թոռնիկե Ակոփաշվիլին դատարանի դահլիճից ազատ է արձակվել 3000 լարի գրավի դիմաց։ Չնայած այն հանգամանքին, որ Ակոփաշվիլին մեղադրվում է ծանր կատեգորիայի հանցագործության մեջ՝ ոստիկանի վրա հարձակվելու համար, ինչը ենթադրում է 4-ից 7 տարվա ազատազրկում, դատախազությունը 5000 լարիի չափով գրավ է պահանջել։ Որպես գրավի գումար փաստաբանը նշել է 1000 լարին։

Փաստաբանի խոսքով՝ հետաքննության ունեցած տեսանյութում մեղադրյալի ինքնությունը հնարավոր չէ բացահայտել։ Ինչպես պարզաբանեց իրավապաշտպանը, իր պաշտպանյալը դեմ է արտահայտվել «Ժողովրդի ուժի» նախաձեռնած և իշխող «Վրացական երազանք»-ի կողմից աջակցվող «Օտարերկրյա գործակալների մասին» օրենքի նախագծին, ինչպես խորհրդարանի մոտ հավաքված մյուս մարդիկ։ Նրա խոսքով՝ միջազգային քննադատություններից ու հասարակական բողոքներից հետո դատախազությունը ստիպված է եղել ազատ արձակել քրեական կարգով կալանավորված անձին։

Ինչ վերաբերում է ոստիկանի վրա հարձակմանը, ապա ամբաստանյալն իրեն մեղավոր չի ճանաչում և պնդում է, որ պատառոտված հագուստն ապացուցում է իր նկատմամբ ոստիկանների բռնությունը։