Խորհրդարանի այսօրվա նիստը մեկնարկել է մեկ րոպե լռությամբ՝ հարգելով Բուչայի զոհերի հիշատակը

12:45, 31.03.2023

Վրաստանի խորհրդարանի նիստը, որտեղ նախագահ Սալոմե Զուրաբիշվիլին կներկայացնի տարեկան զեկույցը, մեկնարկել է մեկ րոպե լռությամբ՝ հարգելով Բուչայում զոհերի հիշատակը։

«Նախքան իմ ուղերձը սկսելը, ուզում եմ համերաշխություն հայտնել մեր բարեկամ Ուկրաինային։ Այսօր Բուչայի ողբերգության առաջին տարելիցն է, և խնդրում եմ հարգել զոհվածների հիշատակը մեկ րոպե լռությամբ»,- ասել է Սալոմե Զուրաբիշվիլին։

Սալոմե Զուրաբիշվիլիի տարեկան զեկույցի շնորհանդեսին մասնակցում են վարչապետ Իրակլի Ղարիբաշվիլին, կառավարության անդամներ, դիվանագիտական կորպուսի ներկայացուցիչներ։

Հեղինակ - Anna Badalian

Քաղաքական