Խորհրդարանի արտաքին հարաբերությունների հանձնաժողովի նիստում պատգամավորները մեկ րոպե լռությամբ հարգել են Կիրբալում զոհված Թամազ Գինտուրիի հիշատակը։

«Չեմ կարող չհիշել Կիրբալում տեղի ունեցած ողբերգությունը, երբ Վրաստանի քաղաքացին մահացել է ռուսական օկուպացիոն ուժերի ներկայացուցչի արձակած գնդակից։ Սա հերթական ողբերգական փաստն է և ռուսական օկուպացիայի շատ ծանր հետևանքը։ Մենք դատապարտում ենք այս անմարդկային փաստը և ցավակցում մահացածի ընտանիքի անդամներին և հարազատներին»,- ասել է Արտաքին հարաբերությունների հանձնաժողովի նախագահ Նիկոլոզ Սամխարաձեն։

Ռուսական օկուպացիոն ուժերը Կիրբալի մոտ օկուպացված տարածքում սպանել են Վրաստանի քաղաքացի Թամազ Գինտուրիին և ապօրինաբար ձերբակալել մեկ քաղաքացու։ Միջադեպի կապակցությամբ Վրաստանի կենտրոնական իշխանության պահանջով Էրգնեթիում հանդիպում է կայացել։