Խորհրդարանն այսօր 83 ձայնով հավանություն է տվել «Սպորտի օրենքում» փոփոխություններին։ Փոփոխությունների նպատակն է Վրաստանի օրենսդրության մեջ արտացոլել հակադոպինգային կանոնակարգերը։ Օրինագիծը խորհրդարանում քննարկվել է արագացված կարգով։ Դրա երկրորդ և երրորդ լսումները կայացել են այսօր, իսկ առաջին նիստը՝ երեկ։

Կոմիտեի նախագահ Իրակլի Մեձմարիաշվիլին պատգամավորներին է ներկայացրել Սպորտի և երիտասարդության հարցերի կոմիտեի նախաձեռնած փոփոխությունների նախագիծը։

«Սպորտի օրենքի» փոփոխությամբ հակադոպինգային գործակալության հետ համագործակցությունը և սպորտի համապատասխան տեսակի մեջ դոպինգ հսկողության թույլատրումն այլևս կախված չի լինի մարզական կազմակերպության համաձայնությունից, այլ բոլոր մարզական կազմակերպությունները ավտոմատ կերպով կներառվեն հակադոպինգային կարգավորման ոլորտին։ Փոփոխություններով մարզական կազմակերպություններից պահանջվում է, բացի իրազեկման բարձրացումից և կրթական ծրագրեր իրականացնելուց, ապահովել հակադոպինգային կանոնների խախտման հետևանքով օրենսդրության և իրավասու մարմինների, կազմակերպությունների կողմից սահմանված հետևանքների իրականացումը։