Խորհրդարանական մեծամասնության ներկայացուցիչները հանդիպել են Եվրոպայի խորհրդի խորհրդարանական վեհաժողովի նախընտրական դիտորդական առաքելության անդամների հետ
Խորհրդարանական մեծամասնության ներկայացուցիչներ Գիվի Միքանաձեն, Մակա Բոճորիշվիլին և Լևան Քարումիձեն հանդիպել են Վրաստան այցելած Եվրոպայի խորհրդի խորհրդարանական վեհաժողովի նախընտրական դիտորդական առաքելության անդամներին։
Ինչպես հանդիպումից հետո ասել է Եվրոպական ինտեգրման հանձնաժողովի նախագահ Մակա Բոճորիշվիլին, առաքելության անդամները Վրաստանի իշխանությունների հրավերով գտնվում են Թբիլիսիում։
«Նրանց հիմնական նպատակն է ծանոթանալ նախընտրական միջավայրին, լսել տարբեր քաղաքական կուսակցությունների և հետագա գնահատականներ տալ նախընտրական միջավայրի վերաբերյալ։ Մենք նրանց տեղեկատվություն ենք տրամադրել, թե ինչպես է ընթանում նախընտրական քարոզարշավը, ինչ մարտահրավերների ենք հանդիպում այս գործընթացում, և, իհարկե, պատասխանել ենք ընտրությունների և ընդհանրապես քաղաքական գործընթացների վերաբերյալ նրանց հարցերին»,- ասաց Մակա Բոճորիշվիլին։
Տեղեկությունը տարածում է Վրաստանի խորհրդարանի մամուլի ծառայությունը։